Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

13 հոկ 2020 15:36

Վրաց-ադրբեջանական սահմանի սահմանազատումը կբացառի բոլոր թյուրըմբռնումները

Վրաց-ադրբեջանական սահմանի սահմանազատումը կբացառի բոլոր թյուրըմբռնումները: Այս մասին, «Սպուտնիկ Գրուզիա»-ի հաղորդմամբ, ասել է Վրաստանի նախագահ Սալոմե Զուրաբիշվիլին:


Վրաստանի գլխավոր դատախազությունը սկսել է հետաքննել վրաց-ադրբեջանական սահմանի սահմանազատման կառավարական հանձնաժողովի գործունեության օրինականությունը, քանի որ կան ապացույցներ, որ որոշ տարածքներ ապօրինի են համաձայնեցվել` ի վնաս Վրաստանի տարածքային շահերի: Գործով ձերբակալվել են հանձնաժողովի երկու անդամներ՝ Վրաստանի ԱԳՆ աշխատակից Իվերի Մելաշվիլին եւ ՆԳՆ աշխատակից Նատալյա Իլյիչեւան: Քննության տվյալներով՝ նրանք չեն օգտագործել անհրաժեշտ քարտեզը բանակցությունների համար, ինչի պատճառով Վրաստանը կորցրել է տարածքների մի մասը:


«Այն ժամանակ, ինչպես եւ հիմա, ես հավատում էի եւ հավատում եմ, որ բարիդրացիական եւ բարեկամական հարաբերությունները պահանջում են սահմանի սահմանազատում եւ գործն ավարտին հասցնել, ինչը բացառում է հետագա թյուրըմբռնումները»,-ասել է Զուրաբիշվիլին:


Զուրաբիշվիլին հիշեցրել է, որ Ադրբեջանի ԱԳՆ նախկին ղեկավար Էլմար Մամեդյարովի հետ վերջին հանդիպման ժամանակ կոնսենսուս է ձեռքբերվել այն մասին, որ տվյալ որոշումը պետք է ընդունել երկու նախագահների մակարդակով:


«Տեղեկություն չունեմ այն մասին, թե արդյոք այդ հարցը նախագահները քննարկել են նախարարի պաշտոնում իմ հեռանալուց հետո: Ինչպես նաեւ ինձ հայտնի չէ, թե երբ եւ ինչ պայմաններում է տեղի ունեցել տվյալ հարցի վերադարձը հանձնաժողովի քննարկմանը»,-հավելել է Զուրաբիշվիլին:


Վրաց-ադրբեջանական սահմանի սահմանազատումը բավականին ցավոտ հարց է Վրաստանի եւ Ադրբեջանի միջեւ հարաբերություններում, ընդ որում, կողմերը խուսափում են կոշտ հայտարարություններից:


Վրաստանը եւ Ադրբեջանն ընդհանուր պետական ​​սահման ունեն` մոտ 440 կիլոմետր երկարությամբ, որի մեկ երրորդը դեռ սահմանազատված չէ: Պետական ​​սահմանի սահմանազատման եւ գծանշման վրաց-ադրբեջանական երկկողմ միջկառավարական հանձնաժողովը ստեղծվել է 1996 թվականին:


Սեպտեմբերի վերջին Ադրբեջանի արտգործնախարարի՝ Թբիլիսի այցի ժամանակ Վրաստանի արտգործնախարար Դավիթ Զալքալիանին իր ադրբեջանցի գործընկերոջ հետ հանդիպումից հետո ասել էր, որ Դավիթ-Գարեջի համալիրի վերաբերյալ նոր քարտեզագրական նյութեր են ձեռք են բերվել, ուստի 2006-2007 թվականների վրաց-ադրբեջանական համաձայնագիրը կարող է վերանայվել:


Իր գործունեության առաջին 15 տարվա ընթացքում իրականացվել է սահմանի հստակեցման աշխատանքների գրեթե 70 տոկոսը, սակայն 2007 թվականից սկսած սահմանազատման գործընթացում խոչընդոտներ են առաջացել: Դավիթ-Գարեջի համալիրի եւ Էրիսիմեդի գյուղի տարածքները շարունակում են վիճելի մնալ:  


Մեկնաբանություններ


Համընկնող լուրեր