Վարչապետի օգնականի մակարդակո՞վ եք հարգում Ցորի տղերքին, ո՞ւր էին վարչապետ֊նախարարները, այս տղաներն արդյո՞ք արժանի չէին          Հայաստանի որոշ դեսպաններ դեսպանընկալ երկրներում շատ վտանգավոր թեզ են առաջ տանում       Զախարովայի կոշտ պատասխանը՝ Բլինկենին, որը ՌԴ-ին մեղադրել էր ագրեսիվ գործողությունների մեջ՝ԱՄՆ-ն պետք է սկսի իրենից, եթե որոշել է միջազգային իրավունքը խախտող երկրներ փնտրել    

16 հոկ 2020 14:18

Արցախը երբեք չի եղել անկախ Ադրբեջանի մաս.ժամանակն է, որ աշխարհը ճանաչի Արցախի Հանրապետությունը. թուրք լրագրող

Թուրք լրագրող և քաղաքական վերլուծաբան Ուզայ Բուլութը Modern diplomacy կայքում հրապարակված իր հոդվածում անդրադարձել է Արցախի դեմ Ադրբեջանի սանձազերծած պատերազմին՝ հայտնելով, որ եկել է ժամանակը, որ ժամանակակից աշխարհը ճանաչի Արցախի Հանրապետությունը։


«Ռազմական գործողությունների ընթացքում Ադրբեջանը թիրախավորել է ոչ միայն քաղաքները, ներառյալ՝ Ստեփանակերտը, այլև հայկական մշակութային և կրոնական ժառանգությունը: Հոկտեմբերի 8-ին Ադրբեջանը թիրախավորել է հոգևոր տաճար Ղազանչեցոց եկեղեցին, որը տեղակայված է Շուշիում: Ղազանչեցոցն ամենամեծ հայկական եկեղեցիներից է աշխարհում»,- գրել է Բուլութը։


Անդրադառնալով Լեռնային Ղարաբաղի դեմ սանձազերծած պատերազմում Թուքիայի մասնակցությանը՝ հեղինակը մեջբերել է Թուրքիայի նախագահ Ռեջեփ Թայիփ Էրդողանի՝ հոկտեմբերի 6-ի ելույթը, որի ժամանակ վերջինս հայտարարել է․ «Մենք աջակցում ենք Ադրբեջանին մինչև հաղթանակ։ Ես ասում եմ իմ ադրբեջանցի եղբայրներին՝ թող ձեր «Ղազվա»-ն օրհնվի»։


««Ղազվա»-ն իսլամում նշանակում է պայքար կամ հարձակում ոչ մուսուլմանների դեմ ՝ մուսուլմանական տարածքն ընդլայնելու կամ ոչ մուսուլմաններին մահմեդական դարձնելու նպատակով: Այսպիսով, Էրդողանը բացահայտ հայտարարել է, որ հայկական տարածքի վրա հարձակումները ջիհադ են։ Ավելին, ոչ միայն Թուրքիան և Ադրբեջանը են հարձակվում հայերի վրա։ Թուրքիան Ադրբեջան է ուղարկել նաև առնվազն 1000 սիրիացի ջիհադականների՝ Արցախի դեմ պայքարելու համար»,- ընդգծում է նա։


Թուրք լրագրողի խոսքով՝ «Արցախի վրա Ադրբեջանի շարունակվող հարձակումը Թուրքիայի նեոօսմանական էքսպանսիոնիստական նկրտումների մի մասն է։ Վերջին տարիներին թուրքական կառավարությունն ուժեղացրել է նեոօսմանիզմի և նվաճումների իր հռետորաբանությունը»։


«Թուրքական և ադրբեջանական հարձակումները հայերի վրա արդարացում չունեն։ Արցախը, որի բնակչությունը 95 տոկոսով բաղկացած է հայերից, խաղաղասեր է և հազարամյակներ շարունակ պատմական Հայաստանի անբաժանելի մասն է: Այն երբեք չի եղել անկախ Ադրբեջանի մաս։ Արցախը դարեր շարունակ եղել է տարբեր նվաճողների իշխանության ներքո, բայց հիմնականում պահպանել է իր կիսանկախ կարգավիճակը»,- գրում է նա։


Ինչպես ընդգծում է հոդվածի հեղինակը, «արցախա-ադրբեջանական վեճը պետք է դիտարկել հայերի նկատմամբ Ադրբեջանի և Թուրքիայի ավելի լայն քաղաքականության պատմական համատեքստում։ Պատմության ամբողջ ընթացքում այդ երկու ժողովուրդները չեն ճանաչել հայերի ինքնորոշման իրավունքը, հաճախ են դիմել մարդասպան բռնությունների»:


«Հարավային Կովկասում առկա խնդիրն ավելի լայն է, քան տարածքային խնդիրը։ Հիմնականում դա պայմանավորված է հայերի հանդեպ թուրք-ադրբեջանական մոլուցքով։ Բռնությունը և ավերածությունները կասեցնելու արդյունավետ միջոցն այն է, որ աշխարհը պաշտոնապես ճանաչի Արցախի Հանրապետությունը, որի պաշտպանության համար բնիկ հայերն ամբողջ պատմության ընթացքում այդքան զոհ են տվել»,- եզրափակում է թուրք լրագրողը։


Մեկնաբանություններ

Համընկնող լուրեր