Մակրոնը բանագնաց կուղարկի մուսուլմանական երկրներ՝ հակաֆրանսիական տրամադրությունների զսպման համար
Ֆրանսիան մտադիր է նշանակել հատուկ բանագնաց, որը մուսուլմանական երկրներում հակաֆրանսիական տրամադրությունների զսպման համար կբացատրի նախագահ Էմանուել Մակրոնի՝ խոսքի ազատության և աշխարհականության մասին մտածողությունը, գրում է The Guardian պարբերականը։
Հայտնի է, որ Մակրոնն արդեն հասցրել է Al Jazeera Arabic լրատվականին տված հարցազրույցում արդարացնել իր մոտեցումը, սակայն մինչև այժմ նա լիարժեք աջակցություն ստացել է միայն Արաբական Միացյալ Էմիրությունների արտգործնախարարից։
Նշվում է, որ Մակրոնը նաև հեռախոսազրույց է ունեցել Պաղեստինի առաջնորդի հետ՝ վստահեցնելու վերջինիս, որ նա ահաբեկչությունը, ծայրահեղականությունը հստակ տարանջատում է իսլամից և իսլամական մտածողությունից։
Շատ արաբական երկրներ են դատապարտել ֆրանսիայում և Վիեննայում իրար հաջորդող ահաբեկչական հարձակումները, միևնույն ժամանակ Մակրոնի՝ խոսքի ազատության վերաբերյալ հնչեցրած արտահայտությունների բացահայտ քննադատությունը պարզապես ապշեցրել են ֆրանսիացի պաշտոնյաներին։