Հաստ աղիի քաղցկեղի գլխավոր նշանները          Տեսանյութ. Երասխով շեղվում է ավելի խոշոր պլան. Արթուր Այվազյան       Կորոնավիրուսի համավարակի պատճառը գլոբալ տաքացումն է, որը պայմանավորված է մարդկության ագահությամբ    

06 նոյ 2020 14:08

1200 զոհված ու տասնյակ հազարավոր կենդանի հերոսները շատ բարձր դիրքից թքած ունեն, թե ով է բերել այդ զենքը

Արթուր Ղազինյանը ֆեյսբուքյան իր էջում գրում է․ «Երբ իմացա, որ Էրդողանը կոչ է արել Հայ ժողովրդին դուրս գալ իշխանության դեմ և պայքարել իր ապագայի համար, շատ զարմացա, քանի որ թուրքերենից հայերեն թարգմանությամբ դա հնչում էր միավորվեք իշխանության շուրջ: Չհասկացա, թե Էրդողանի ինչի՞ն էր պետք, որ Հայ ժողովուրդը համախմբվի իշխանության շուրջ:

Երբ Ալիևը հայտարարեց, որ ի տարբերություն Քոչարյանի և Սարգսյանի, Փաշինյանը հրաժարվել է «տարածքները հանձնել», ես ծիծաղեցի ու կրկին զարմացա, թե Ալիևի ինչի՞ն էր պետք Փաշինյանին հերոս ներկայացնել Քոչարյանի ու Սարգսյանի ֆոնին:

Երբ Ալիևի այս տխմարությունը օտարերկրյա գործակալներն ու նրանց հեղափոխական ադեպտները հորթի հրճվանքով սկսեցին տարածել Հայաստանում, ես զայրացա:

Երբ Ալիևը հարցրեց, թե հայերին որտեղի՞ց այդքան զենք, ես ուրախացա, որ մեր թշնամին այդքան հիմար է, քանի որ և՛ Հայաստանի և՛ ադրբեջանի ռազմական հետախուզությունները ՇԱՏ ԼԱՎ ՏԵՂԵԿԱՑՎԱԾ ԵՆ միմյանց մոտ առկա զենքի տեսակների և քանակների մասին:

Բայց որ Հայաստանում կգտնվի մարդ, ով դեմքի լուրջ արտահայտությամբ և հեղափոխական հպարտությամբ կպատասխանի Ալիևին ու կասի, թե ո՞վ է բերել այդ զենքը, դա արդեն ԱՂԵՏ Է, համազգային ու համապետական ԱՂԵՏ:

Հ.Գ. Ավելի քան վստահ եմ, որ պաշտոնապես 1200 զոհված ու տասնյակ հազարավոր կենդանի հերոսները շատ բարձր դիրքից ԹՔԱԾ ունեն, թե ով է բերել այդ զենքը: Նրանք իրենց Հայրենիքն են պաշտպանում . . .»։

Մեկնաբանություններ

Համընկնող լուրեր