Տեսանյութ.«Փաշինյանը պետք է հեռանա. ինձ թվում է, որ, այնուամենայնիվ, դավաճանություն կա
Ռուս հայտնի քաղաքագետ, վերլուծաբան Սերգեյ Միխեևը Вечер с Владимиром Соловьевым քաղաքական թոք-շոուի շրջանակում անդրադարձել է Լեռնային Ղարաբաղի շուրջ ստեղծված իրավիճակին՝ մասնավորապես նշելով, որ այն, ինչ այժմ կատարվում է Հայաստանի հետ, «լավ դաս» է յուրաքանչյուրի համար, ով Ռուսաստանում խոսում է և ամբողջ երկիրը ցնցելու կոչեր անում:«Հայաստանում նույնպես այդպես էր: Հայ ժողովուրդը ցնցում էր սեփական երկիրը: Փաստացիորեն, Նիկոլ Փաշինյանը եկավ «գունավոր հեղաշրջման» արդյունքում: Ես կցանկանայի հարցնել՝ դրանից դուք ձեզ ավելի լավ զգացի՞ք: Մենք ապրում ենք մի իրավիճակում, երբ քաղաքականության մեջ պետք է ընտրենք ոչ թե «լավի» և «լավագույնի» միջև, սրանք հասարակ մարդկանց համար հեքիաթներ են, այլ «վատերի» և «վատագույնների» միջև: Այդպես եղել է, կա և կլինի»,-ասել է Միխեևը:
Նա ընդգծել է, որ «դա լավ դաս է Ռուսաստանի, մնացած բոլորի համար»: Ըստ Միխեևի՝ հետխորհրդային տարածքումտեղի ունեցած բոլոր «գունավոր սցենարներն» իրարից չեն տարբերվում և դա չափազանց կարևոր է հասկանալ:
«Ինչ վերաբերում է Հայաստանին, ինձ թվում է, որ, այնուամենայնիվ, դավաճանություն կա: Դա ակնհայտ է: Երբ Փաշինյանը եկավ իշխանության, նման սցենար առաջ եկավ: Նույնիսկ եթե մենք ենթադրենք, որ այդպիսի սցենար չի եղել, բրիտանացիների և ամերիկացիների խորամանկ ծրագիր չի եղել, ակնհայտ է, որ գունավոր հեղաշրջումը ներսից թուլացնում է ցանկացած երկիր: Բազմավեկտոր մոտեցմամբ Փաշինյանի խաղերը սառեցրել են հարաբերությունները Ռուսաստանի հետ: Էրդողանն ու Ալիևը չէին կարող չընդունել այս ազդանշանը: Դա շահավետ իրավիճակ էր: Ես հակված եմ հավատալու, որ այս ամենը ղեկավարվում է Արևմուտքից, բայց դրա համար պայմաններ ստեղծվեցին Հայաստանում տեղի ունեցած գունագեղ իրադարձությունների արդյունքում: Փաշինյանը, այնուամենայնիվ, պետք է հեռանա: Պետք է հասկանալ, որ այդ անձը, ամենայն հավանականությամբ, ի վիճակի չէ ապագայում Հայաստանի համար լավ բան մտածել: Այժմ նրանք նետերը կուղղեն դեպի Ռուսաստան և նրան մեղավոր կդարձեն, բայց Ռուսաստանի քայլը կանխեց կոտորածը: Այսօր ռուս զինվորներն ու սպաները հայերի անվտանգության հիմնական երաշխավորներն են»,-եզրափակել է Միխեևը:
