Նոր դիվանագիտական սկանդալ է հասունանում արտգործնախարարությունում . «Ժողովուրդ»          Տեսանյութ.Խավարման կարգ` ի հիշատակ Քրիստոսի մատնության և չարչարանքների       Մարտի 29-ին կդադարեցվի հետևյալ հասցեների ջրամատակարարումը    

09 հուն 2021 16:54

Պրն Փաշինյան,հայ համայնքը սպասում է ձեր հրաժարականին. ու՞մ և ի՞նչ եք պարտական,Ինչու՞ չեք կարող կանգնեցնելՀայաստանի կործանման սցենարը

Ռուսաստանի հայ համայնքը սպասում է Նիկոլ Փաշինյանի հրաժարականին եւ ոչ թե նրա այցին՝ Մոսկվա։ Նման հայտարարությամբ է հանդես եկել Ռուսաստանի հայերի միության նախագահ Արա Աբրահամյանը։ 

«Ինչու՞ եք այդքան շահագրգռված հնարավորինս շուտ ավարտել այն ամենը, ինչ կարող եք։ Ու՞մ և ի՞նչ եք պարտական, որ պատրաստ եք հանդուրժել Ալիևի կողմից նվաստացումները։ Ինչու՞ չեք կարող կանգ առնել և կանգնեցնել՝ Հայաստանի կործանման սցենարն այն պարագայում, երբ Հայաստանի և Արցախի ժողովուրդը, երկրի նախագահը, հոգևոր հայրերը և Սփյուռքը պահանջում են ձեր հրաժարականը։

Ինչու հայտարարության մյուս բոլոր կետերի կատարումը կասեցնելու փոխարեն մինչև Ադրբեջանի կողմից կկատարվեր 8-րդ կետը և կվերադարձներ Բաքվում գտնվող գերիներին, մեր հասարակության համար ամենակարևոր հարցը կապում եք Ադրբեջանի և Թուրքիայի համար կենսական նշանակության և Հայաստանի համար երկրորդական նշանակության «տրանսպորտային ուղիների ընտրության» հետ։

Ձեր բանակցությունների օրակարգում կա՞ Արցախի կարգավիճակի հարցը»,- նշել է Արա Աբրահամյանն ու ավելացրել. «Պարոն Փաշինյան, դուք այլևս չեք կարող ներկայացնել հայերին և հայերի անունից փաստաթղթեր ստորագրել։ Քանի որ արդեն երկու ամիս է գործում եք Հայաստանի Հանրապետության իրավական դաշտից դուրս և ոչ մի կապ չունեք ո՛չ պետության, ո՛չ ժողովրդի հետ, որի անունը դեռ փորձում եք թաքցնել՝ շրջապատված լինելով անվտանգության աշխատակիցներով, մոռանալով, որ այսօր Հայաստանի քաղաքացիները, սահմանները և Սյունիքի բնակիչները պաշտպանության կարիք ունենք»,-գրել է Արա Աբրահամյանը։

Մեկնաբանություններ


Համընկնող լուրեր