Տեսանյութ.Վտանգավոր հնարքներ Մոսկվայում, մեքենաներից մեկի վրա թուրքական դրոշ է եղել
Մոսկվայում մի քանի մեքենաներ խիստ վտանգավոր հնարքներ են կատարել և խոչընդոտել երթևեկությունը Վարշավյան խճուղում։ Ինչպես հաղորդում է Մոսկվայի տրանսպորտի դեպարտամենտի Telegram–յան ալիքը, դեպքը տեղի է ունեցել այսօր ցերեկը:Նշվում է, որ ավտոմեքենաների համարանիշները հաջողվել է պարզել։ Վարորդներին պատիժ է սպասում` ընդհուպ մինչև քրեական պատասխանատվություն։
«Նրանք վտանգավոր հնարքներ էին կատարում՝ հետընթաց էին երթևեկում, կտրուկ վերադասավորվում, հետո ամբողջությամբ արգելափակել էին մայրուղու երթևեկությունը»,- նշված է հաղորդագրության մեջ:
Խոսքը 8 մեքենաների մասին է, որոնց թվում «Mercedes», «Gelandewage», «Jaguar», «Nissan Teana», «Kia» մակնիշի ավտոմեքենաներ կան: Տեսանյութում կարելի է նկատել նաև, որ դրանցից մեկի վրա թուրքական դրոշ է փռված։
