Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս          Մարդը չի կարողացել անգամ արցախցիներին անվտանգ բենզին բաժանել, բայց հիմա խորհուրդ է տալիս Հայաստանին       Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ    

09 մար 2021 12:00

Ֆիզուլիում կառուցվող օդանավակայանը միտված է ռազմական նշանակության ենթակառուցվածք ստեղծելուն

Վարանդայի (ադրբ․ Ֆիզուլի) կառուցվող օդանավակայանի մասին վերլուծություններում կարծես ուշադրությունից դուրս է մնացել մի կարեւոր հանգամանք։ Այս մասին ֆեյսբուքյան իր էջում գրել է իրանգետ Վարդան Ոսկանյանը:


Նա, մասնավորապես, նշել է. «Փետրվարի վերջին Բաքվի բռնապետը բառացիորեն հայտարարեց, որ դրա «թռիչքուղին ունակ կլինի ընդունելու ինքնաթիռների բոլոր տեսակները՝ ներառյալ ամենածանրերը եւ բեռնատարները», ինչն առաջին հայացքից խիստ տարօրինակ է, եթե նկատի ունենանք այն պնդումը, որ օդանավակայանը կառուցվում է Շուշի այցելելը իբր հեշտացնելու համար։


Ակնհայտ է, որ նման կարողություններով օժտված օդանավակայանի կառուցումը միանշանակորեն միտված է ոչ միայն կամ, ավելի ճիշտ, ոչ թե քաղաքացիական, այլ հենց ռազմական նշանակության ենթակառուցվածք ստեղծելուն, որը, հաշվի առնելով տարածքի աշխարհագրական եւ ռազմավարական նշանակալի դիրքը, ըստ էության, դառնալու է ոչ միայն Հայաստանի եւ Արցախի, այլ նաեւ Ռուսաստանի եւ Իրանի դեմ գործող ռազմակայան։


Ընդ որում, բացի Ադրբեջանից եւ Թուրքիայից, այն կարող է օգտագործվել նաեւ Իսրայելի եւ ՆԱՏՕ-ի կողմից հակառուսական եւ հակաիրանական նպատակներով։


Պատմությունը երբեմն զավեշտների օրինակներ է տալիս․ ռուսական զենքի ուժով Իրանից նվաճված եւ ի պատիվ ռուս զորահրամանատար Պավել Կարյագինի անվանակոչված ռուսական նախկին ամրակետ Կարյագինոն այժմ կարող է օգտագործվել հենց Ռուսաստանի եւ Իրանի դեմ արդեն նոր «տերերի» եւ «հյուրերի» կողմից։


Մեկնաբանություններ


Համընկնող լուրեր