Խոսք անգամ չկա, որ մենք ինչ-որ զիջումների ենք գնալու Արևելյան Միջերկրական ծովում
Թուրքիան կշարունակի պաշտպանել իր շահերը Արևելյան Միջերկրածովյան տարածաշրջանում: Այս մասին հայտարարել է Թուրքիայի նախագահ Ռեջեփ Թայիփ Էրդողանը. հաղորդում է Anadolu-ն:«Թուրքիայի վճռականությունը՝ Արևելյան Միջերկրական ծովի հետ կապված, մնում է նույնը: Խոսք անգամ չկա, որ մենք ինչ-որ զիջումների ենք գնալու»,- ասել է Թուրքիայի ղեկավարը:
Ըստ Էրդողանի՝ Թուրքիան առաջատար դիրքեր է զբաղեցնում տարածաշրջանում՝ միաժամանակ ձգտելով «բնականոն ճանապարհով» կարգավորել իրավիճակը Արևելյան Միջերկրական ծովում:
Թուրքիայի նախագահն անդրադարձել է նաև Եգիպտոսի հետ դիվանագիտական շփումները վերսկսելու հնարավորությանը։ «Եգիպտացի ժողովուրդը չի կարող մեզ դեմ լինել։ Ինձ թվում է, որ իրականացված վերջին միջոցառումները (Եգիպտոսի կողմից) իրականում ժամանակավոր են և սխալ»,- նշել է նա։
