Վիրտուալ քննարկում.ԱՄՆ-ն, Կանադան, Լիտվան, Լեհաստանը եւ Մեծ Բրիտանիան կաջակցեն ՈՒկրաինային
ԱՄՆ պաշտպանության նախարարի քաղաքականության հարցերով տեղակալի պաշտոնակատար Ամանդա Դորին այսօր մասնակցել է ՆԱՏՕ-ի գործընկերներ Կանադայի, Լիտվայի, Լեհաստանի եւ Մեծ Բրիտանիայի ներկայացուցիչների վիրտուալ հանդիպմանը, որոնք մեծ ավանդ ունեն Ուկրաինայի անվտանգությանն աջակցելու գործում: Հանդիպումն ընդունել է Մեծ Բրիտանիայի պաշտպանության նախարար Բեն Ուոլեսը: Այս մասին հաղորդվում է Պենտագոնի կայքում:«Ղեկավարները հաստատել են իրենց անխախտ աջակցությունը Ուկրաինայի ինքնիշխանությանը, տարածքային ամբողջականությանը եւ եվրաատլանտյան ձգտումներին, ինչպես նաեւ քննարկել են տարածաշրջանում ռուսական ռազմական գործունեության ակտիվացման հետ կապված խնդիրներ: Ռուսաստանի ապակայունացնող գործողությունները խափանում են լարվածության ապաէսկալացիան, որը ձեռք էր բերվել 2020 թվականի հուլիսին ԵԱՀԿ միջնորդությամբ ստորագրված համաձայնագրի շրջանակում:
Ղեկավարները վերահաստատել են իրենց հանձնառությունը ուկրաինական ուժերի ներուժը մեծացնելու պատրաստվածության ապահովմանը եւ աջակցությանը՝ երկրի տարածքային ամբողջականությունը պահպանելու եւ ՆԱՏՕ-ի հետ օպերատիվ համատեղելիության առաջմղումը շարունակելու համար»,- նշված է ԱՄՆ պաշտպանության նախարարության հաղորդագրության մեջ:
