Թուրքագետն ահազանգում է Հայաստանին ներկայացվելիք նոր պահանջի մասին.Եթե Հայաստանը արձանագրի 2-րդ նախապայմանը, կլինի իր պարտությունը
2021 թվականի մարտին Տիգրան Ավինյանը հայտարարել է, որ ժամանակավոր տեղակայվում են սահմանապահներ՝ մինչև սահմանազատումն ու սահմանագծումը, որը տեղի կունենա միայն Ադրբեջանի ու Թուրքիայի հետ երկկողմ հարաբերությունների հաստատումից հետո: Այս մասին «Հայաստանը և Թուրքիան Հարավային Կովկասում. իրողություններ և ռիսկեր» խորհրդաժողովի ժամանակ հայտարարեց թուրքագետ Ռուբեն Մելքոնյանը:Մելքոնյանը նշեց, որ Թուրքիայի հետ երիկկողմ հարաբերությունների հաստատումը ենթադրում է թուրքական կողմից ևս մեկ պահանջ, նախապայման. «Այն, ինչ արել են 1973 թվականին ու այն ինչ փորձել են անել 2009-ին: Այսինքն, Հայաստանի ներկայացվելու է ինչ-որ կերպ քողարկված Կարսի պայմանագրի ճանաչման կամ վերաճանաչման պահանջ: Այն ռեալպոլիտիկ տեսանկյունից մեզ համար կարող է թվալ անիրականանալի, քանի որ Հայաստանը դեռ չի կարող հողային պահանջներ ունենալ Թուրքիայից, բայց մենք պետք է հարցին նայել այս տեսանկյունից: Թուրքիան մեր առջև դրել է երեք նախապայման, որոնցից առաջինին (Արցախի հարց) մասամբ հասել է: Սա այն ճանապարհն է, որը տանելու է երկրորդ նախապայմանի իրականացմանը: Եթե սա այս պահին մեզ համար չունի ռեալպոլիտիկ առումով նշանակություն, Թուրքիայի համար սա ունի գերկարևոր, նույնիսկ՝ իմիջային նշանակություն: Եթե Հայաստանը արձանագրի երկրորդ նախապայմանը, արձանագրելու է իր պարտությունը»:
