Էրդողանի որոշումը՝ալկոհոլից զրկելու, զայրացրել է թուրքերին
Թուրքիայում ուժի մեջ է մտել լիարժեք կարանտինը: Դպրոցներն ու խանութները փակ են: Բնակիչները պետք է լուրջ պատճառ ունենան տնից դուրս գալու համար եւ հատուկ թույլտվություն քաղաքների միջեւ ուղեւորությունների համար: Ակնկալվում է, որ սահմանափակումները կհանվեն մայիսի 17-ից: Նրանք չեն հասկանում՝ ինչու է ալկոհոլի վաճառքի արգելք սահմանվել:#Don'tTouchMyAlcohol
Կառավարությունը պնդում է, որ արգելքը կանխում է մեծ հավաքները: Սակայն քննադատները նշում են, որ ալկոհոլն արգելված է հասարակական վայրերում:
Սոցցանցերում օգտատերերն օգտագործում են #alkolumedokunma (#Don'tTouchMy Alcohol՝ մի դիպչիր իմ ալկոհոլին) հեշթեգը:
Անկարայից փաստաբան Դոգան Էրքանը նշել է. «Մարդկանց կյանք ներխուժելը, ովքեր գնում են ալկոհոլ շուկայից եւ խմում այն տանը, որեւէ ընդհանրություն չունի պանդեմիայի դեմ պայքարի հետ»:
Էրքանը թուրքերին խորհուրդ է տվել չհետեւել արգելքին: Նա նշել է, որ որեւէ իրավաբանական հիմք չկա արգելքի հմար:
Սահմանդարական իրավունքի փորձագետ Մեթին Գյունդեյը DW-ին ասել է որ ալկոհոլի մատակարարները, վաճառողներն ու սպառողներն օրինական իրավունք ունեն բողոքարկելու արգելքը:
Խորհրդարանում ներքին գործերի նախարար Սուլեյման Սոյլուն հայտարարել է, որ ԵՄ որոշ երկրներ արգելել են ալկոհոլը՝ կորոնավիրուսի տարածումը սահմանափակելու համար, սակայն չի նշել՝ որ երկրներն են արգելք մտցրել:
«Անգլիան, Ֆրանսիան, Գերմանիան»,-ասել է նա NTV-ի ուղիղ եթերում:
Սակայն նշվածներից ոչ մեկը ալկոհոլի արգելք չի մտցրել պանդեմիայի դեմ պայքարի շրջանակում:
