Հայաստանի ու Ադրբեջանի փոխվարչապետների հաջորդ հանդիպման ամսաթիվը դեռ որոշված չէ          Ադրբեջանը Պակիստանից կործանիչներ է պատրաստվում գնել, իսկ ՀՀ-ն շարունակում է ոգևորվել Ֆրանսիայից պաշտպանական սպառազինությունների ձեռքբերմամբ       Նաիր Տիկնիզյանը հրաժարվել է տեղափոխվել թուրքական «Գալաթասարայ»    

13 մայիս 2021 12:06

Ալիևը Շուշիում նոր մզկիթի հիմք է դրել.մզկիթի ճարտարապետությունն արտացոլում է 8 թիվը, որը կապված է նոյեմբերի 8-ի`Շուշիի «ազատագրման» օրվա հետ

Ադրբեջանի նախագահ Իլհամ Ալիևը  դավադրաբար թշնամուն հանձնված հայոց Շուշի բերդաքաղաքում մասնակցել է նոր մզկիթի հիմնարկեքի արարողությանը:


Թշնամական երկրի ղեկավարը ժամանել էր Շուշի՝ մասնակցելու «Խառըբյուլբյուլ» կոչվող երաժշտական փառատոնին: Նա ասել է, որ մզկիթի ճարտարապետությունն արտացոլում է 8 թիվը, որը կապված է նոյեմբերի 8-ի`Շուշիի «ազատագրման» օրվա հետ:


«Պատահական չէ, որ մենք ընտրել ենք հիմքը դնելու ամսաթիվը: Իսլամական աշխարհը վաղը նշելու է Ռամադանի սուրբ տոնը: Ես շնորհավորում եմ ադրբեջանական ժողովրդին տոնի առթիվ: Տոնի նախօրեին հին Շուշա քաղաքում նոր մզկիթի հիմնարկեքը մեծ պատմական և խորհրդանշական բնույթ ունի»,- շեշտել է Ալիևը՝ հավելելով, որ մզկիթը կառուցվում է այնպիսի բարձր տեղում, որ երևա քաղաքի ցանկացած տեղից։


Նշենք, որ Ղազանչեցոց Սբ Ամենափրկիչ եկեղեցին հենց այդպիսին էր՝ երևում էր քաղաքի ցանկացած տեղից։


Մեկնաբանություններ


Համընկնող լուրեր