Տեսանյութ.Քաշքշուկ՝ոստիկանների և գյուղացիների միջև.«Բլեֆ ա, ոչ էլ գալու են». Արմավիրի մարզի բնակիչները փակել են Երևան տանող մայրուղին
Արմավիրի մարզի մի շարք համայնքների բնակիչներ բողոքի ակցիա են իրականացնում Երևան-Արմավիր մայրուղում։ Նրանց խոսքով` խնդիրը ոռոգման ջրի բացակայությունն է:«Մեր աճեցրած բերքը չորանում է, ի՞նչ ենք անելու, սովամահ ենք լինելու»,–ասում է հողագործներից մեկը։
Հավաքված հողագործները պնդում են` ոռոգման ջրի բացակայության պատճառով չորանում է միրգ–բանջարեղենը, իրենք ֆինանսական մեծ վնասներ են կրում, իսկ ո՞վ է դրա համար իրենց փոխհատուցելու։
Ակցիայի ընթացքում մասնակիցները որոշեցին ավտոճանապարը 15 րոպեով բացել, քանի որ նրանց տեղեկացրել էին, որ ոլորտի պատասխանատուներն են այցելելու։
«Բլեֆ ա, ոչ էլ գալու են։ Ասել են, որ ճանապարհը բացենք, հետո էլ չթողնեն, որ փակենք»,–ասաց հավաքվածներից մեկը։
Ակցիայի մասնակիցները վստահեցնում են, որ եթե պաշտոնյաները չժամանեն, խնդրին լուծում չտան, ապա իրենք ոչ միայն կրկին փակելու են ճանապարհը, այլև այդտեղ են գիշերելու։
Գյուղացինեի խոսքով, մարզպետարանից որևէ աշխատակից չի հանդիպել իրենց հետ, ոչ էլ տեղյակ են պահել, որ ջուր չի լինելու։
Ոստիկանները փորձեցին բացել ճանապարհները, ինչից հետո քաշքշուկ սկսվեց ոստիկանների և գյուղացիների միջև։
Ոստիկանները փորձեցին բացել ճանապարհները, ինչից հետո քաշքշուկ սկսվեց ոստիկանների և գյուղացիների միջև։
