Աֆղանստանից մարդկանց տարհանող ինքնաթիռներին վտանգ է սպառնում.Պենտագոն
Ամերիկյան իշխանությունները կարծում են, որ Աֆղանստանից մարդկանց տարհանումն իրականացնող ռազմատրանսպորտային ինքնաթիռներին լուրջ վտանգ է սպառնում: Այս մասին Պենտագոնում ճեպազրույցի ժամանակ հայտարարել է ԱՄՆ Զինված ուժերի տրանսպորտային հրամանատարության ղեկավար, գեներալ Սթիվ Լայոնսը։
«Դա զգալի սպառնալիք է։ Ես չէի ցանկանա մանրամասնել»,-նշել է նա՝ պատասխանելով այն հարցին, թե ինչ կարող է սպառնալ Քաբուլ ժամանող եւ քաղաքից մեկնող ամերիկյան ռազմատրանսպորտային ինքնաթիռներին։
Լայոնսի խոսքով՝ ՏՐԱՆՍԿՈՄԸ մշտական կապ է պահպանում ԱՄՆ ԶՈՒ կենտրոնական հրամանատարության հետ հնարավոր սպառնալիքների բացահայտման հարցում: «Ես վստահ եմ, որ մենք ձեռնարկում ենք բոլոր անհրաժեշտ միջոցները, որպեսզի կանխենք դրանք», - եզրափակել է գեներալը: