Հայաստանը պետք է եզրակացություն անի 44-օրյա պատերազմից, պետք է հասկանա, որ հարևան երկրների տարածքներն օկուպացնելով ոչնչի չի հասնի
«Ադրբեջանը 30 տարի բանակցություններ էր վարում իր հողերի ազատագրման համար, սակայն, ցավոք, դրանք անարդյունք էին, ուստի Ադրբեջանը դրանք ուժով ազատագրեց, և Հայաստանը պետք է եզրակացություն անի դրանից», այս մասին ասել է Թուրքիայի արտգործնախարար Մեւլութ Չավուշօղլուն:Նա նշել է, որ երկրները պետք է ունենան և՛ ռազմական, և՛ դիվանագիտական ուժ. «Ադրբեջանը սպասեց 30 տարի և ի վերջո ազատագրեց իր հողերը 44 օրվա ընթացքում: Այժմ ստեղծվել է բարենպաստ միջավայր դիվանագիտական բանակցություններ վարելու համար: Կան դրական ազդակներ ինչպես Թուրքիայից, այնպես էլ Հայաստանից: Բայց դրանք չպետք է լինեն միայն բառեր: Հայաստանը պետք է հասկանա, որ հարևան երկրների տարածքներն օկուպացնելով ոչնչի չի հասնի»,- ասել է նա:
