Բացվեց «Ջավախք» հայրենակցական միության նոր գրասենյակը          Աշխարհում առաջին անգամ․ ռոբոտը վիրահատել է խոզին առանց մարդու օգնության       Հակաբիոտիկների և աղիների քաղցկեղի միջև ուղղակի կապ կա. գիտնականներ    

15 սեպ 2021 15:00

Իրանը պետք է բարձրացնի ադրբեջանցի փոխադրողների համար տարանցիկ հարկը.Իրանական «Ջավան» թերթ

Իրանական «Ջավան» թերթը հրապարակել է «Բաքվի հանցագործությունը Իրանից Կովկաս հաղորդակցության ճանապարհին» հոդվածը, որում նշված է Գորիս-Կապան ճանապարհին ադրբեջանական անցակետի տեղակայման վայրը:


Հոդվածում ընդգծվում է, որ Հայաստանը կորցրել է Ադրբեջանի վրա ճնշման բոլոր լծակները և չի փորձում ստեղծել նորերը: Ադրբեջանը, ընդհակառակը, հին խորհրդային քարտեզներից ելնելով, հարձակվել է Հայաստանի տարածքի վրա և, ի լրումն ճնշման նախկին լծակների, վերահսկողություն է հաստատել Հայաստան-Իրան ճանապարհի 20 կիլոմետրանոց հատվածի վրա: «Իր լրջությունն ու լծակի ուժը ցույց տալու համար նա երկու օրով սահմանափակել էր ցամաքային ճանապարհը Հայաստանի և Իրանի միջև»,- ասվում է հոդվածում:


Նշվում է, որ ադրբեջանական անցակետի տեղադրման կապակցությամբ Հայաստանի բարձրաստիճան պաշտոնյաները պարզապես հայտարարել են, թե խնդիրներ չկան. անցակետերը ստեղծվել են Ադրբեջանի հսկողության տակ գտնվող տարածքում: Ընդգծվել է, որ Հայաստանի կառավարությունը հատուկ քայլեր չի ձեռնարկում խնդիրը վերացնելու ուղղությամբ, մյուս կողմից՝ Իրանի ԱԳՆ-ի կողմից նույնպես հատուկ գործողություններ չկան:


Հոդվածում ասվում է, որ Բաքվի գործողությունների նպատակներից է Իրանին ստիպել հրաժարվել Հայաստանի տարածքով տարանցումից հօգուտ Ադրբեջանի տարածքի՝ առաջացնելով կախվածություն: Եթե Իրանը ճիշտ չօգտվի Նախիջևան-Բիլեսուվար ճանապարհից և չբարձրացնի ճանապարհային հարկը, ապա Ադրբեջանի ոճրագործությունները կշարունակվեն:


Մեկնաբանություններ

Համընկնող լուրեր