Հայաստանի որոշ դեսպաններ դեսպանընկալ երկրներում շատ վտանգավոր թեզ են առաջ տանում          Զախարովայի կոշտ պատասխանը՝ Բլինկենին, որը ՌԴ-ին մեղադրել էր ագրեսիվ գործողությունների մեջ՝ԱՄՆ-ն պետք է սկսի իրենից, եթե որոշել է միջազգային իրավունքը խախտող երկրներ փնտրել       Ադրբեջանի սադրանքների հեռահար նպատակներն ու դրանց հետևում երևացող «ականջները»․ «Փաստ»    

08 հոկ 2021 11:45

Թուրքերը կկարողանա՞ն առանց վիզայի մուտք գործել Շենգենյան գոտու 26 երկրներ

Եվրահանձնաժողովը մտադիր է աջակցել թուրքական կենսաչափական անձնագրեր ունեցողների՝ առանց վիզայի մուտքը Շենգենյան գոտու 26 երկրներ, հայտնել է BBC-ն՝ վկայակոչելով Հանձնաժողովի աղբյուրներին:


SchengenVisaInfo.com-ը ավելի վաղ հայտարարել է, որ Թուրքիայի քաղաքացիների համար վիզաների ազատականացման հարցը կվերանայվի հոկտեմբերին` Թուրքիայի եւ ԵՄ պաշտոնյաների հանդիպման ժամանակ:


Թուրքիայի փոխարտգործնախարար Ֆարուք Քայմաքչիի խոսքով՝ վիզային ռեժիմի ազատականացումից բացի՝ կողմերը քննարկելու են նաեւ միգրացիայի, ներքին գործերի եւ անվտանգության հարցեր: «Մենք նաեւ կվերլուծենք՝ կարո՞ղ ենք նորովի դիտարկել Թուրքիա-ԵՄ միգրացիոն խնդիրը», — ասել է Քայմաքչին՝ նշելով, որ Թուրքիայում միգրանտներին եւ փախստականներին միջոցներ տրամադրելը խնդրի ​​լուծում չէ:


Թուրքիայի քաղաքացիներին Շենգենյան գոտու երկրներ առանց վիզայի մուտքի հնարավորություն տալու գործընթացը սկսվել է 2013 թվականի վերջին՝ ԵՄ-ի եւ Թուրքիայի միջեւ հետընդունման (ռեադմիսիայի) մասին համաձայնագրի ստորագրումից հետո: Գործընթացը դեռ ավարտված չէ, քանի որ Թուրքիան չի կարողացել բավարարել վիզաների ազատականացման ճանապարհային քարտեզում նշված 72 չափանիշներից հինգը:


Այս պահին պետք է բավարարվեն հետեւյալ հինգ չափանիշները.


պայքար կոռուպցիայի դեմ,


անձնական տվյալների պաշտպանության վերաբերյալ ԵՄ օրենսդրության պահպանում,


Եվրոպոլի հետ օպերատիվ համագործակցության մասին համաձայնագրի կնքում,


քրեական գործերով անդամ պետությունների արդյունավետ դատական ​​համագործակցություն,


հակաահաբեկչական օրենսդրության եւ գործելակերպի վերանայում ահաբեկչության դեմ պայքարում` ԵՄ չափանիշներին համապատասխան:


2016 թվականի մարտին ԵՄ երկրների եւ Թուրքիայի ղեկավարները համաձայնություն են ձեռք բերել դադարեցնել Թուրքիայից Հունաստան անօրինական միգրացիան: Համաձայնագրի շրջանակում ԵՄ-ն խոստացել է Թուրքիային արագացնել վիզաների ազատականացման գործընթացը՝ «Թուրքիայի քաղաքացիների համար վիզաների պահանջները չեղարկելու նպատակով ամենաուշը մինչեւ 2016 թվականի հունիսի վերջ»:


Մեկնաբանություններ

Համընկնող լուրեր