Թող Ալիևը դադարեցնի լարվածություն ստեղծելը, հակառակ դեպքում՝ կարթնանա հրթիռների ձայնից. իրանցի պատգամավոր
Թեհրանից Իրանի Մեջլիսի պատգամավոր Մոհսեն Դեհնավին խստորեն դատապարտել է Ադրբեջանի իշխանություններին՝ Բաքվում Իրանի գերագույն առաջնորդի ներկայացուցիչ Ալի Աքբար Օջագնեժադի գրասենյակը փակելու որոշման համար: Այս մասին Դեհնավին գրել է Twitter-ի իր միկրոբլոգում. հայտնում է Isna-ն:«Բաքվի իշխանությունները բարձրացրին ամբարտավանության նշաձողը՝ փակելով Գերագույն առաջնորդի ներկայացուցչի ուրբաթօրյա աղոթասրահը:
Իսրայելական անօդաչու թռչող սարքը գրկելու փոխարեն Ալիևը թող դադարեցնի լարվածություն ստեղծելը, հակառակ դեպքում՝ կարթնանա ճշգրիտ խոցող հրթիռների ձայնից: Մեր դեսպանը նույնպես պետք է ավելի վճռական կատարի իր պարտականությունները»,- գրել է պատգամավորը:
