Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

14 հոկ 2021 11:47

Հետքովիդային համախտանիշի երկարաժամկետ հետևանքները կարող են լինել ամենալուրջը

Հետքովիդային համախտանիշի երկարաժամկետ հետևանքները կարող են լինել ամենալուրջը. թոքային հյուսվածքի ֆիբրոզը և երիկամային անբավարարությունից մինչև սրտամկանի բորբոքում, առիթմիա, լյարդի վնասում, կոգնիտիվ խանգարումներ, հոգեկան խանգարումներ, որոնք ուղեկցվում են տրամադրության կտրուկ փոփոխությամբ և այլն: Այս մասին ֆեյսբուքյան իր էջում գրել է թոքաբան Նունե Ազիզյանը:


«Բավականին հաճախ սկսել ենք հանդիպել հետքովիդային երկար տևող տարբեր ախտաբանական դրսևորումների, որոնք համակարգվել են որպես հետքովիդային համախտանիշ:




Երկարաժամկետ հետևանքները կարող են լինել ամենալուրջը. թոքային հյուսվածքի ֆիբրոզը և երիկամային անբավարարությունից մինչև սրտամկանի բորբոքում, առիթմիա, լյարդի վնասում, կոգնիտիվ խանգարումներ, հոգեկան խանգարումներ, որոնք ուղեկցվում են տրամադրության կտրուկ փոփոխությամբ և այլն։


Դրսևորումները շատ տարբեր են և տևողությունը նույնպես: Առավել հաճախ պացիենտները գանգատվում են համի/հոտի խանգարումներից կամ երկարատև կորստից: Մյուսները ունենում են կոգնիտիվ, այսինքն ուղեղային տարբեր պրոցեսների խանգարումներ, այդպիսիք ինչպիսիք են հիշողության խանգարումները, բառերի շփոթումը, կոնցենտրացիայի պակասը: Նաև հաճախակի հանդիպող ախտանշան է մկանների և հոդերի շրջաններում ցավերը:


Ախտանիշների առկայությունը, ինչպես նաև վերականգնման պրոցեսը խիստ անհատական է և չկա միասնական մոտեցում բոլոր պացիենտներին, ուստի վերականգնողական բուժումը կազմվում է անհատական», - գրել է մասնագետը:


Մեկնաբանություններ


Համընկնող լուրեր