Երկրաշարժ Հայաստանում. ցնցումը զգալի է եղել
Քիչ առաջ Գյումրիում զգացվեց երկրաշարժ, բարձրահարկ շենքերի բնակիչները անգամ հասցրել են դուրս գալ տներից; Նշում են, որ ցնցումն զգալի էր՝ մոտ 6-7 բալ ուժգնությամբ, բայց ըստ սեյսմիկ կենտրոնի 4,1 բալ է գրանցվել:***
Հոկտեմբերի 24-ին, տեղական ժամանակով ժամը 21։04-ին (Գրինվիչի ժամանակով ժամը 17։04-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.12⁰ և արևելյան երկայնության 43.92⁰ աշխարհագրական կոորդինատներով՝ Հայաստան-Վրաստան սահմանային գոտի` Բավրա գյուղից 9 կմ արևելք, օջախի 10 կմ խորությամբ, 3.8 մագնիտուդով երկրաշարժ:
Էպիկենտրոնային գոտում ստորգետնյա ցնցման ուժգնությունը կազմել է 5 բալ:
Երկրաշարժը զգացվել է Շիրակի մարզում 4 բալ, Լոռու մարզի Վանաձոր, Սպիտակ քաղաքներում և Շնող գյուղում` 3-4 բալ ուժգնությամբ:
