Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

26 հոկ 2021 18:32

Իրանի միջուկային ծրագրի առաջընթացը.Իսրայելի օդուժն առաջիկա ամիսներին կսկսի նախապատրաստվել Իրանի միջուկային կառույցներին հարվածներ հասցնելուն

Ատոմային էներգիայի միջազգային գործակալության` ՄԱԳԱՏԷ-ի նոր զեկույցի համաձայն՝ Իրանը մինչև 20 տոկոս հարստացված ուրան է ներարկել իր առաջադեմ ցենտրիֆուգներից մեկի մեջ, և այդ ցենտրիֆուգը Նաթանզում տեղադրված՝ 60 տոկոս ուրան հարստացնող ցենտրիֆուգներից չէ: Այս մասին գրում է Pars Today-ը։

ՄԱԳԱՏԷ-ն անցյալ շաբաթ հայտարարել է, որ Իրանը գործակալությանը տեղեկացրել է, որ ժամանակավորապես սկսել է մինչև 20 տոկոս հարստացված ուրան ներարկել «մեկ մեքենայի և միջին ջրվեժներ, առանց նյութերի կուտակման»։

Գործակալությունը հավելել է, որ ստուգել է ուրանի ներարկումը Իրանում IR-6 ցենտրիֆուգի մեջ, որի արտադրանքը չի հավաքվել:
***
Իսրայելի օդուժը հաջորդ տարվանից կսկսի նախապատրաստվել Իրանի միջուկային ծրագրին հարվածներ հասցնելուն՝ ֆինանսավորում հատկացնելով և թարմացնելով առաքելության վերապատրաստման ժամանակացույը: Այս մասին գրում է Times of Israel-ը:

Ինչպես պարբերականը նշում է, 2015 թվականի միջուկային գործարքի վերականգնման շուրջ ստեղծված անորոշ իրավիճակի ֆոնին՝ Իսրայելի պաշտպանական ուժերը վերջին ամիսներին ակտիվացրել են ջանքերը՝ նշանակալի ռազմական հարված նախապատրաստելու Թեհրանի միջուկային կառույցների ուղղությամբ:

«2015-ին Գործողությունների համատեղ համապարփակ ծրագրի ստորագրմամբ՝ Իսրայելը մի կողմ դրեց Իրանի միջուկային կառույցներին ուղղված ռազմական հարվածների մշակումը՝ պաշտպանական ուժերը կենտրոնացնելով այլ տարածաշրջանների վրա: Սակայն 2018 թվականին ԱՄՆ-ի՝ միջուկային գործարքից դուրս գալուն զոըգահեռ, որին հաջորդեց նաև Իրանի կողմից պարտավորվածությունների կատարման մեղմացումը, խնդիրը կրկին կարևորություն ստացավ Իսրայելում»,- հայտնում է աղբյուրը:

Մեկնաբանություններ


Համընկնող լուրեր