Տեսանյութ.«Խոյ» համայնքի ղեկավարի թեկնածու Գուրգեն Գրիգորյանը մրցակիցներին հրավիրում է բանավեճի          Տեսանյութ.Կտրուկ գործողություններ եք ուզում, եկե՛ք իրագործենք. Ժիրայր Սեֆիլյան       Տեսանյութ.Սյունիքը զավթելու սպառնալիք կա, եռյակ թշնամին չի նահանջում    

26 հոկ 2021 12:36

Բախվելու են գերտերությունների աշխարհաքաղաքական շահերը.շուտով վճռվելու է ոչ միայն Հայաստանի, այլև ամբողջ տարածաշրջանի ճակատագիրը

Նոյեմբերի առաջին տասնօրյակում վճռվելու է ոչ միայն Հայաստանի, այլև ամբողջ տարածաշրջանի ճակատագիրը, ֆեյսբուքյան իր էջում գրել է հասարակական-քաղաքական գործիչ, Արցախյան ազատամարտի մասնակից Գևորգ Գևորգյանը:
 
«Երբ անհայրենիքն ասում է խաղաղության դարաշրջան, նշանակում է երկարատև, սոսկալի պատերազմ ամբողջ տարածաշրջանում:
Սյունիքի միջանցքով, որ օրը Ադրբեջանը կարողացավ ցամաքային անխափան կապ ունենալ, այդ օրը մենք վերջակետ ենք դնելու ոչ միայն Հայաստանի, այլև տարածաշրջանային խաղաղության վրա, ընդ որում երկարատև: Բախվելու են գերտերությունների աշխարհաքաղաքական շահերը:
 
Իրանը պայքարելու է իր ցամաքային կապի համար՝ Պարսից ծոցից Սև ծով, և այդ մասին պաշտոնական Թեհրանը արդեն հայտարարել է, ընդգծելով, որ չի ընդունելու իր հարևանների հետ սահմանների որևէ փոփոխություն:
 
Ադրբեջանը և Թուրքիան ռազմական ագրեսիայով փորձելու են պահել այդ միջանցքը:
 
ՌԴ-ն իր գերակայությունը այստեղ պահելու համար բազմավեկտոր քաղաքականությունից անցնելու է հստակ քայլերի:
Վրաստանը, ինչպես 90-ականներին և այս 44-օրյա պատերազմի օրերին, մեղմ ասած՝ չի նեղացնելու Ադրբեջանին և թուրքիային:
Փաստացի, Սյունիքի միջանցքը հանձնելով, Հարավային Կովկասը դառնալու է վառոդի տակառ, որը ցանկացած պահի կարող է պայթել ազգադավի և իր դաշնակիցների՝ թուրք-ադրբեջանական տանդեմի համագործակցության արդյունքում», - գրել է Գևորգ Գևորգյանը։

Մեկնաբանություններ

Համընկնող լուրեր