Որդուս սպանության գործով վկաներին բացահայտ ահաբեկում են, որ ցուցմունքերը փոխեն․ սպանված կուրսանտի հայր
![](https://www.tert.am/news_images/1240/3719805_1/capture.thumb.jpg)
Մասիսի բաժնում քրեական գործ էլ կա հարցուցված։ Գործով ամբաստանյալ Վաչե Սահակյանի ընկերն է սպառանացողը։ Գնում, տեսնում են վկաներին ու ասում ՝ «Կոկորդդ կկտրենք», «աչքերդ չորս արած ման արի» , «ծնողներիդ մասին մտածի»։ «Այդպես ասել են սենյակի տղաներից Գևորգ Վարդանյանին, հիմա ավիացիայում է աշխատում, Տիգրան Դեմիրճյանին, սենյակի բոլոր տղաներին, օրապահին և հերթապահին ևս զանգել են, գնացել հանդիպել են, փորձել են խաբելով, սպառնալով, համոզել։ Պատկերացրեք՝ Խաչիկ Մինասյանը, Թելման Մխիթարյանը Արցախում են ծառայություն իրականացնում, դատավորի անունից են խոսել, ասել են դատավորն է ասել, որ զանգեմ, գաք ձեր ցուցմունքները փոխեք»․ժ-մանրամասնեց Արկադի Բարսեղյանը։
Նա տեղյակցրեց, որ վկաներից Գևորգ Վարդանյանը ևս հաղորդում է ներկայացրել իր նկատմամբ հնչեցրած սպառնալիքների մասով։
«Հասկանալի է, որ հասարակության համար Հայկազի գործը հետին պլան մղվեց, այդքան սուգ տեսանք, այդքան զոհեր եղան, բնական էր, որ այդպես պիտի լիներ, բայց երբ որ գործը հանրության ուշադրության կենտրոնում էր, կրկին զանգում էին, որ վկաները ցուցմունքները փոխեն, բայց բացահայտ չէին ահաբեկում,իսկ հիմա սկսել են ահաբեկելը, ժողվրդական խոսք կա ՝«գործը ինչքան հնանում է, տերը շնանում է»։ Արդեն առանց վախի գործում են, ասել են՝ ուզում ես ոստիկան կանչի, ուզում ես՝ քննիչին ասա, ոչ մեկից էլ չենք վախենում, պիտի գաս դատարան, ցուցմունքդ փոխես»,-ասաց նա։
Սպանված կուրսանտի հայրը տեղեկացրեց, որ առկա է նաև ձայնագրություն, որտեղ վկաներից Խաչիկ Մինասյանը պատմում է, որ դատավորի անունից են պահաջում ցուցմունքը փոխել, ձայնագրությունը կատարվել է Խաչիկ Մինասյանի համաձայնությամբ։
Արկադի Բարսեղյանը նշեց, որ վկաների նկատմամբ ճնշումներից հետո դատարանում ամբաստանյալ Վաչե Սահակյանի պաշտպանը միջոնրդություն էր ներկայացրել՝ վերսկսել դատաքննության փուլը, կրկին ուսումասիրել վկանների ցուցմունքները, դատավորը մերժել էր, բայց կրկին նմանատիպ միջոնրոդություն է ներկայացվել։
Արկադի Բարսեղյանն ասաց, որ դատարանից ակնկալում են, որպեսի արդարությունը վերականգվի, դեմ է նրան, որ դատախազը պահանջել էր 18-20 տարվա ազատազրկում, ըստ նրա՝ դաժան սպանություն իրագործողները պետք է ցմահ ազատազրկվեն։
Հիշեցնենք, որ Հայկազ Բարսեղյանի սպանության համար մեղադրվում են նրա համակուրսեցիները` կուրսանտներ Գնել Թևոսյանը, Նորիկ Սահակյանը, Վաչե Սահակյանը և Մովսես Ազարյանը։ Ըստ մեղադրանքի՝ նրանք 2015թ. հունվարի 29-ին՝ ժամը 02:00-ից 03:00-ի սահմանում, զորամասի ննջարանում դաժանությամբ սպանել են կուրսանտ Հայկազ Բարսեղյանին, ապա հետքերը թաքցնելու նպատակով կախել նրա մարմինը մարզահրապարակում գտնվող պտտաձողից, նրա անունից գրություն թողել, թե իբր ինքնասպան է եղել: Ամբաստանյալներն իրենց մեղավոր չեն ճանաչում: