Սոդան հիանալի օգնում է ազատվել թոքերի մածուցիկ խորխից.ինչպես կարելի է բուժվել սոդայով և չթունավորվել
Սննդաբան Արտեմ Լեոնովը ՌԻԱ Նովոստիին պատմել է, թե ինչպես ճիշտ և արդյունավետ օգտագործել կերակրի սոդան։«Խմորի սոդայի օգտակար հատկությունները հայտնի են եղել անհիշելի ժամանակներից: Այն հզոր ալկալային ազդեցություն է թողնում, մաքրում և դետոքսիկացնում է օրգանիզմը, առաջին օգնությունն է մրսածության դեպքում: Սոդան հիանալի օգնում է ազատվել թոքերի մածուցիկ խորխից, թեթևացնում է բորբոքումն ու կոկորդի ցավը»,- ասել է փորձագետը։
Այնուամենայնիվ, Լեոնովը զգուշացրել է, որ թույնը դեղամիջոցից տարբերվում է միայն դեղաչափով, հետևաբար սոդայի անվերահսկելի ընդունումը կարող է ներքուստ վնասել օրգանիզմին։ Նյութը չի կարելի երկար ընդունել՝ առանց ցուցումների և մասնագետի նշանակման։ Դա կարող է հանգեցնել օրգանիզմում թթու-բազային հավասարակշռության և նյութափոխանակության խախտման, երիկամներում քարերի առաջացման։
«Բացարձակ անվտանգ է սոդան օգտագործել որպես մարմնի սկրաբ, լոգանք ընդունել սոդայի ավելացումով: Նման պրոցեդուրաներ կարելի է անել նույնիսկ ամեն օր: Մաշկը դառնում է անսովոր քնքուշ, տեղի է ունենում մարմնի հյուսվածքների խորը մաքրում և ալկալացում»,- ասել է սննդաբանը:
