Հետաքրքիր իրադարձություններ են ծավալվում մեր շուրջբոլորը, որոնք էապես կարող են փոխել տարածաշրջանային իրավիճակը          Ամերիկացի գիտնականներն առաջին անգամ մարդուն խոզի երկու երիկամ են փոխպատվաստել       Հակաբիոտիկները հարցի լուծում չեն.Բժիշկ Մյասնիկովն ասել է` ինչպես կարելի է տնային պայմաններում բուժել «Օմիկրոնը»    

23 նոյ 2021 15:04

Ցմահ դատապարտյալ Արսեն Արծրունին 28 տարի անց ազատ արձակվեց

«Դրո» խմբի գործով ցմահ ազատազրկման դատապարտված Արսեն Արծրունին ազատ կարձակվի։ Այս մասին  ասաց Քրեակատարողական վարչության հանրային կապերի բաժնի պետ Նոնա Նավիկյանը։


Նա նշեց, որ Արսեն Արծրունին պատիժը կրում էր «Վարդաշեն» ՔԿՀ-ի բաց ուղղիչ հիմնարկում։

Քիչ առաջ Երևան քաղաքի ընդհանուր իրավասության դատարանի դատավոր Դավիթ Հարությունյանը բավարարել է ՔԿՀ-ի և պրոբացիայի ծառայության միջնորդությունը և պայմանական վաղաժամկետ ազատել ցմահ դատապարտյալ Արսեն Արծրունուն։ 


 
Նշենք, որ Արսեն Արծրունին անազատության մեջ էր շուրջ 28 տարի: Ձերբակալվել է 1994-ի դեկտեմբերին «Դրոյի գործի» շրջանակներում՝ սպանությունների պատվեր տալու մեղադրանքով, իսկ 1996-ի դեկտեմբերին դատապարտվել մահապատժի։ 2003-ին ՀՀ նախագահի կողմից մահապատիժը փոխարինվել է ցմահ ազատազրկմամբ։ 2018-ին ՀՀ Վերաքննիչ դատարանը մերժել էր Արծրունուն պայմանական վաղաժամկետ ազատելու բողոքը։


Մեկնաբանություններ

Համընկնող լուրեր