Հայաստանում կցրտի, ձյուն կտեղա          Պատկերացրեք, պարտվելուց հետո Բրիտանիայի պաշտպանության նախարարը գնար պարի դասերի, որ հարսանիքին լավ պարեր       Էրդողանը վերահստատել է, որ Թուրքիան չի հրաժարվելու ռուսական ՀՕՊ համակարգերից    

04 դեկ 2021 10:57

Զախարովայի կոշտ պատասխանը՝ Բլինկենին, որը ՌԴ-ին մեղադրել էր ագրեսիվ գործողությունների մեջ՝ԱՄՆ-ն պետք է սկսի իրենից, եթե որոշել է միջազգային իրավունքը խախտող երկրներ փնտրել

Միացյալ Նահանգները պետք է սկսի իրենից, եթե որոշել է միջազգային իրավունքը խախտող երկրներ փնտրել: «ՌԻԱ նովոստին» հայտնում է, որ այդ մասին ուրբաթ օրը ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով ԱՄՆ պետքարտուղար Էնթոնի Բլինկենի հայտարարությունները։


Իր Telegram ալիքում նա մեջբերել է ԱՄՆ պետդեպարտամենտի ղեկավարի խոսքերը, ըստ որոնց՝ ՆԱՏՕ-ն չէ, որ ագրեսիվ գործողություններ է ծրագրում Ռուսաստանի դեմ, այլ միակ ագրեսիան, որը տեսել են վերջին տարիներին, եկել է Ռուսաստանից։


«Սիրիա, Լիբիա, Իրաք, Հարավսլավիա՝ ԱՄՆ-ի գլխավորությամբ ՆԱՏՕ-ի բացահայտ զինված ագրեսիա, Ուկրաինա՝ հակասահմանադրական հեղաշրջումների ղեկավարում, որն իրականացվել է ԱՄՆ-ի կողմից՝ ՆԱՏՕ-ի և ԵՄ-ի Բրյուսելի հետ համակարգմամբ»,-գրել է Զախարովան։


Նա ընդգծել է, որ Կուբայում, Վենեսուելայում, Նիկարագուայում և Բելառուսում եղել են կառավարությունը տապալելու ցուցադրական փորձեր՝ օգտագործելով հիբրիդային պատերազմի տարրերը, որոնք իրականացվում են ԱՄՆ-ի և ՆԱՏՕ-ի երկրների կողմից։


«Հարյուրավոր հատուկ գործողությունները, որոնց նպատակն է միջամտել ինքնիշխան պետությունների ներքին գործերին և փոխել նրանց քաղաքական օրակարգը, ՆԱՏՕ-ի առօրյան է»,-ասել է Զախարովան։


«Այնպես որ, պետքարտուղարի նման հայտարարությունները ոչ այլ ինչ են, քան Վաշինգտոնի կողմից կազմակերպված «ժողովրդավարությունների գագաթնաժողովի» համար գաղափարական հիմք ապահովելու ձախողված փորձ»,-ասել է նա։


Հանուն ժողովրդավարության գագաթնաժողովը նախատեսված է դեկտեմբերի 9-10-ը։ ԱՄՆ-ն դրան հրավիրել է 110 երկրի՝ բացառությամբ Ռուսաստանի, Չինաստանի Թուրքիայի։ Ընդ որում, հրավիրվածների ցանկում է Թայվանը, որին ԱՄՆ-ն այլ երկրների հետ պաշտոնապես համարում է «մեկ Չինաստանի» մաս։ «Միջոցառումն ուղղված է Ռուսաստանի և Չինաստանի դեմ, Վաշինգտոնը փորձում է Մոսկվային և Պեկինին սովորեցնել, թե ինչպես ապրել»,-հայտարարել էր ԱՄՆ-ում Ռուսաստանի դեսպան Անատոլի Անտոնովը։


Մեկնաբանություններ

Համընկնող լուրեր