Ալմաթիում հայ խաղաղապահները պետք է հսկեն ռազմավարական նշանակության օբյեկտ՝ «Դրուժբա» ջրառը և հացի ամենամեծ գործարաններից մեկը
Ալմաթիում հայկական խաղաղապահ ստորաբաժանման հիմնական խնդիրներից է կանխել ահաբեկիչների կողմից ջրառի կետում ջրի թունավորումը։ ՏԱՍՍ-ի հաղորդմամբ, չորեքշաբթի լրագրողներին հայտնել է խաղաղապահ ստորաբաժանման հրամանատարը։«Հիմնական խնդիրներից է կանխել «Դրուժբա» ջրառի կետում ջուրը թունավորելը»,- ասել է նա։
Զինվորականների խոսքով, այն ռազմավարական նշանակության օբյեկտ է, և կար դրա աղտոտման տեսական վտանգ։
Ալմաթիում Հայաստանից ժամանած խաղաղապահները ոչ միայն հսկում են ջուրը, այլև ապահովում են հացի ամենամեծ գործարաններից մեկի անվտանգությունը։
