Ռուբլին երկար տարիների դադարից հետո հատել է 7 դրամի շեմը          Անհրաժեշտության դեպքում միջուկային զենքով կպաշտպանենք Հարավային Կորեան       Ո՞ր երկիրն է Ռուսաստանի «գաղտնի զենք» համարվում ՆԱՏՕ-ում. Fox News    

22 հուն 2022 18:17

Եթե հայերն ապրում են Ադրբեջանում, ապա ադրբեջանցիները ևս կկարողանան նախկինի պես ապրել Հայաստանում.Շաֆիև

eadaily.com-ը գրում է, որ Հարավային Կովկասի երեք անկախ երկրների՝ Ադրբեջանի, Վրաստանի և Հայաստանի տարածքային ամբողջականությունը տարածաշրջանում խաղաղ ապագայի հիմքն է։ Այդ մասին ասել է Միջազգային հարաբերությունների վերլուծության կենտրոնի (TsAMO, որը ստեղծված է Ադրբեջանի նախագահի 2019 թվականի փետրվարի 6-ի հրամանագրով) խորհրդի նախագահ Ֆարիդ Շաֆիևը Ռոնդելի հիմնադրամի Թբիլիսիում կայացած համաժողովում: Նրա խոսքով, եթե նայեք Երկրորդ համաշխարհային պատերազմից հետո եվրոպական փորձին, ապա պարզ է դառնում, որ տարածքային ամբողջականության հարցը հիմնարար է եվրոպական անվտանգության համար։

«Մյուս կարևոր կետը ազգային փոքրամասնությունների պաշտպանությունն է։ Այստեղ ի նկատի ունենք Ղարաբաղում ապրող հայերին։ Մենք մտածում ենք ադրբեջանական հասարակության մեջ նրանց վերաինտեգրման մասին և պատրաստ ենք դրան»,- ասել է Բաքվի TsAMO-ի ղեկավարը: Շաֆիևը նաև նշել է, որ Ադրբեջանը ցանկանում է բարձրացնել Հայաստանում բնակվող ադրբեջանցիների հարցը։

«Եթե հայերն ապրում են Ադրբեջանում, ապա մենք հավատում ենք, որ ադրբեջանցիները կկարողանան նախկինի պես ապրել Հայաստանում։ Ապագա խաղաղությունն, ընդհանուր առմամբ, տարածաշրջանում հնարավոր է Հարավային Կովկասում ժամանակին գոյություն ունեցող էթնիկ խճանկարի վերականգնմամբ»,- ասել է նա։

Մեկնաբանություններ

Համընկնող լուրեր