Սահմանամերձ գյուղերից Երեւան տեղափոխվելն ամենեւին էլ պայմանավորված չէ սահմանագոտու իրավիճակով կամ պատերազմական վտանգով
Վերջին շրջանում Տավուշի մարզի գյուղերից ավելացել է բնակիչների հոսքը դեպի Երեւան։ Նման գրառում է արել լրագրող Ոսկան Սարգսյանը ֆեյսբուքի իր էջում։«Սահմանամերձ գյուղերի շատ բնակիչներ բնակություն են հաստատում Երեւանում վարձով բնակվող իրենց ուսանող կամ՝ աշխատող զավակների հետ, Երեւանում աշխատանք ճարում։ Գյուղերից Երեւան վերաբնակվածները մայրաքաղաքում աշխատում են տարբեր օբյեկտների շինարարություններում, այլ գործեր անում։
Սահմանամերձ գյուղերից Երեւան տեղափոխվելն ամենեւին էլ պայմանավորված չէ սահմանագոտու իրավիճակով, պատերազմական վտանգով, պատճառը գյուղերում եկամտաբեր աշխատանքի բացակայությունն է, անասնապահությամբ զբաղվելը շատ աշխատատար, համեմատաբար քիչ եկամտաբեր է, հողագործությամբ զբաղվելն էլ նվազ եկամուտներ է ապահովում»,-գրել է նա։
