Ռուսաստանը թույլ չի տա Ուկրաինային միջուկային զենք ձեռք բերել. Ռուսաստանը շատ բարեկամներ ունի, անհնար է մեկուսացնել նրան
Ռուսաստանի հատուկ ռազմական գործողությունն ուղղված է Ուկրաինան զինաթափելուն։ Մոսկվան Կիեւին թույլ չի տա միջուկային զենք ձեռք բերել. Այս մասին հայտարարել է ՌԴ արտգործնախարար Սերգեյ Լավրովը Al Jazeera հեռուստաալիքին տված հարցազրույցում։ «Ուկրաինայում, այդ թվում՝ Կիեւում, ռազմական գործողությունն ուղղված է Ուկրաինան զինաթափելուն։ Ռուսաստանը թույլ չի տա Ուկրաինային միջուկային զենք ձեռք բերել»,- Լավրովի խոսքը մեջբերում է հեռուստաալիքը, հաղորդում է ՏԱՍՍ-ը։
Ռուսաստանը երբեք մեկուսացման մեջ չի մնա, քանի որ շատ բարեկամներ ունի։ Այս մասին ասել է ՌԴ արտաքին գործերի նախարար Սերգեյ Լավրովը Aljazeera հեռուստաալիքի հարցազրույցում, որի մի հատված չորեքշաբթի հրապարակվել է հեռուստաալիքի Twitter-ում։
«Ռուսաստանը շատ բարեկամներ ունի, եւ անհնար է մեկուսացնել նրան»,- հեռուստաալիքը մեջբերել է Ռուսաստանի ԱԳ ղեկավարի խոսքերը, տեղեկացրել է ՏԱՍՍ-ը։
Լավրովի խոսքով՝ Ռուսաստանը պատրաստ էր իր դեմ պատժամիջոցներ մտցնելուն, բայց զարմացել է, որ այդ միջոցները վերաբերել են մարզիկներին եւ ԶԼՄ-ների աշխատակիցներին. «Մենք պատրաստ էինք պատժամիջոցներին, բայց չէինք սպասում, որ դրանք կվերաբերեն մարզիկներին, մտավորականության ներկայացուցիչներին, դերասաններին, ԶԼՄ-ների աշխատակիցներին։
Արեւմուտքի երկրները հրաժարվել են Ռուսաստանի հետ քննարկել եվրոպական անվտանգության նոր ճարտարապետության ձեւավորման հարցը, ասել է նախարարը. «Արեւմուտքը հրաժարվել է փոխգործակցել մեզ հետ եվրոպական անվտանգության նոր ճարտարապետության ձեւավորման հարցում»։
