Արդյո՞ք ՀՀ-ին հարվածելու ժամանակ կիրառվեցին միջազգային տնտեսական պատժամիջոցներ. ֆրանսիացի նահանգապետը` Ուկրաինայի պատերազմը դատապարտելու Ֆրանսիայի ակտիվության մասին
Ֆրանսիայի Ռոն-Ալփ ռեգիոնի նահանգապետ Լորան Վոքյեզը 18.03.2022թ. իր ելույթում խոսելով Ուկրաինայի պատերազմը դատապարտելու հարցում Ֆրանսիայի ակտիվության մասին, մասնավորապես, ասել է.«Բայց չէ՞ որ սրանից առաջ ուրիշ պատերազմ է եղել:
Այդ նախորդ պատերազմը հարվածեց Հայաստանին:
Այդ նախորդ պատերազմը Արցախում էր:
Այն հրահրվեց մի երկրի կողմից, որը սնվում է նավթային շահերով:
Այդ երկիրը Ադրբեջանն է, որն իր սպառազինությամբ ջախջախեց հայերի հերոսական դիմադրությունը Արցախի տարածքում:
Արդյո՞ք մեր վրդովմունքն այն ժամանակ այս աստիճանի էր, արդյո՞ք կիրառվեցին միջազգային տնտեսական պատժամիջոցներ, այն դեպքում, երբ այնտեղ նույնպես թիրախավորված էր ազատությունը: Հակառակ նրա, որ հայ ժողովուրդը մեզ համար եղբայր ժողովուրդ է, հակառակ նրա, որ ֆրանսահայ համայնքը Ֆրանսիայի պատմության մի մասն է կազմում, հակառակ այս ամենի, մենք բոլորս նույն հակազդեցությունը ցույց չտվեցինք:
Սա մտածելու տեղիք է տալիս:
Մեր անելիքը միայն Միսաք Մանուշյանին մեծարելը չի, մենք պարտականություն ունենք Հայաստանի նկատմամբ: Այդ ժողովուրդն իր պատմության ընթացքում շատ է տառապել: Մենք պատասխանատու ենք նաև ֆրանսահայ համայնքի առաջ, և այդ պատասխանատվությունը չպետք է սահմանափակվի Մանուշյանին Պանթեոնում վերահուղարկավորելով: Մանուշյանի հիշատակը մենք կհարգենք միայն այն դեպքում, երբ Հայաստանի կողքին կանգնենք մշտապես, երբ նրա շուրջ գտնվող ուժերը փորձեն հարձակվել Հայաստանի վրա:
Ֆրանսիան պարտավոր է պաշտպանել հայ ժողովրդին ամեն անգամ, երբ Հայաստանը վտանգի ենթարկվի»:
