Տեսանյութ.«Արցախը Հայաստան է և վերջ»-ը չի նշանակում, որ Արցախը Հայաստանի հանրապետություն է և վերջ․Եթե ճանաչենք Արցախի անկախությունը, սա հավասարազոր է Ադրբեջանին պատերազմ հայտարարելուն
Եթե ընդդիմությունն անկեղծ է իր մղումների մեջ, թող օրակարգ բերի Արցախի անկախության ճանաչման հարցը, սա կառաջացնի քաղաքական ճգնաժամ, քանի որ սա արմատապես տարբերվում է իշխանության տեսակետից։«Կիզակետում Արկադի Գրիգորյանի հետ» հաղորդման ընթացքում նման տեսակետ է հայտնել ԱԺ «Քաղաքացիական պայմանագիր» խմբակցության անդամ Հովիկ Աղազարյանը։
«Եթե մենք, պետական մակարդակով ճանաչենք Արցախի անկախությունը, սա հավասարազոր է Ադրբեջանին պատերազմ հայտարարելուն։ Կփակեն բանակցային բոլոր դռները»,-նշել է ՔՊ-ական պատգամավորը։
Նա հավելել է, որ Հայաստանն Ադրբեջանի հանդեպ տարածքային պահանջ չունի, ճանաչում է Ադրբեջանի տարածքային ամբողջականությունը։
«Ձեռնպահ ենք մնում ասելուց, որ Արցախը երբեք չի լինի Ադրբեջանի կազմում, հարգելով մեր միջազգային գործընկերներին, որոնք ներգրավված են կարգավորման գործընթացում»,- հայտարարել է Աղազարյանը։
Հարցազրույցն ամբողջությամբ՝ տեսանյութում:
