Ուկրաինացի գերին ասել է, որ ՆԱՏՕ-ի «այդքան գովազդված» զենքերը ժամկետանց էին, շատ են վրիպումներ թույլ տալիս
ՆԱՏՕ-ի կողմից Ուկրաինային մատակարարվող Javelin և NLAW շարժական հակատանկային հրթիռային համակարգերը իրենց վատ են դրսևորում մարտի դաշտում և շատ են վրիպումներ թույլ տալիս: Այս մասին պատմել է ուկրաինացի ռազմագերին, որի մասնակցությամբ տեսանյութը հինգշաբթի տարածել է ՌԴ ՊՆ-ն։«Միացյալ Նահանգների ռազմական օգնությունը, իմ կարծիքով, չափից շատ են գովում, քանի որ այդքան գովազդված Javelin և NLAW հակատանկային կառավարվող հրթիռներն ու նռնականետերն ապացուցեցին, որ գործնականում այդպիսին չեն: Եղել են սխալ կրակոցներ, սովորաբար կրակում է չորսից մեկը, եղել նույնիսկ, որ չեն պայթել կամ նույնիսկ արկերը պայթել են 50 մետր հեռավորության վրա՝ չհասնելով թիրախին»,- ասել է ուկրաինացի գերին։
Նրա խոսքով՝ հակատանկային համակարգերի որոշ խմբաքանակներ ժամկետանց էին, մարտկոցները՝ շարքից դուրս եկած։ «Կային այնպիսինները, որոնց մարտկոցները ժամկետանց էին, անգամ խմբաքանակների մեծ մասին նշված էին ժամկետանց պիտանելիության տարեթվեր»,- հավելել է ռազմագերին, գրում է ՏԱՍՍ-ը։
