«Եթե փողոցները փակ մնան, «Մոլոտովի կոկտեյլով» կվառի վրանները»․ քաղաքացու ահազանգը ոստիկանությանը
Aravot.am-ի տեղեկություններով՝ Երեւանի բնակիչներից մեկն օրերս զանգել է ոստիկանություն եւ դժգոհել փողոցների փակ լինելուց։ Մասնավորապես, քաղաքացի Վ․ Շ․-ն մայիսի 29-ին զանգել է ոստիկանության օպերատիվ կառավարման կենտրոն ու ասել՝ եթե փողոցները շարունակվեն փակ մնալ, ինքը կգնա Ֆրանսիայի հրապարակ ու «Մոլոտովի կոկտեյլով» կվառի վրանները: Քաղաքացին հայտնել է, որ բողոքի ցույցերի պատճառով վնասներ է կրում։ Ոստիկանությունում այս հաղորդման հիման վրա նախապատրաստվում են նյութեր։ Ահազանգողը, սակայն, չի ցանկացել բաժին ներկայանալ եւ գրավոր բացատրություն թողնել։ 
