Մահապատիժը չի բացառվում, բայց դա կորոշի դատարանը.տեղեկություն չունեմ ամերիկացի գերիների գտնվելու վայրի մասին
Ուկրաինայում գերի ընկած ամերիկացի վարձկանների համար մահապատժի հնարավորությունը չի բացառվում, սակայն դա պետք է որոշի դատարանը։ Լրագրողների հետ զրույցում այս մասին ասել է Ռուսաստանի Դաշնության նախագահի մամուլի քարտուղար Դմիտրի Պեսկովը։«Մենք ոչինչ չենք կարող բացառել, քանի որ սա դատարանի որոշում է, մենք երբեք չենք մեկնաբանում այդ որոշումները, ավելին` իրավունք չունենք միջամտելու», - ասել է Պեսկովը։
Նա չի կարողացել ճշգրիտ ասել` որտեղ են այժմ գտնվում ամերիկացի գերիները։
«Ոչ, չեմ կարող ճշտել, ես տեղեկություն չունեմ նրանց գտնվելու վայրի մասին։ Խոսքը վարձկանների մասին է, որոնք ոտնձգություն են արել մեր զինվորականների կյանքի հանդեպ, և ոչ միայն մեր զինվորականների, այլև ԴԺՀ-ի և ԼԺՀ-ի: Այդ ամենից ելնելով` նրանք մեղադրվում են «վարձկանության մեջ»։ Նրանց վրա որևէ կերպ չի կարող և չի տարածվում Ժնևի կոնվենցիան, նրանց հանցագործությունները պետք է հետաքննվեն, և նրանք պետք է պատասխանատվության ենթարկվեն», - ասել է ՌԴ նախագահի մամուլի քարտուղարը։
