«Թուրքիայից մասնավոր ինքնաթիռ է վայրէջք կատարել «Զվարթնոց» օդանավակայանում». Արթուր Գրիգորյան          Ադրբեջանի, Վրաստանի և Կենտրոնական Ասիայի երկրների հետ փորձում ենք վերականգնել պատմական Մետաքսի ճանապարհը       Ադրբեջանն ու Թուրքիան կրկին համատեղ զորավարժություն են անցկացնում,մասնակցում են զինծառայողներ նաև Քաթարից, Ղազախստանից, Պակիստանից և Ուզբեկստանից    

15 օգոս 2022 14:45

Քանի՞ կյանք կարող էր փրկվել, և քանի՞ անգամ արագ կդադարեցվեր դեռևս շարունակվող հրղեհը, եթե 3 տարի առաջ ընդամենը 1 մլն ԱՄՆ դոլար տրամադրվեր փրկարարական աշխատանքների կազմակերպման համար

Նիկոլ Փաշինյանի՝ ավիացիոն հարցերով նախկին խորհրդական Հակոբ Ճաղարյանը, անդրադառնալով «Սուրմալու» առևտրի կենտրոնի՝ երեկ տեղի ունեցած պայթյունին ու դրա ողբերգական հետևանքներին, իր ֆեյսբուքյան էջում հայտարարություն է տվել հանցագործության մասին:




«Ես հասկանում եմ, որ գրառումս պայթյունի նպատակի, կազմակերպման, հետևանքների հետ կապ չունի: Բայց անկախ այդ ամենից, պայթյունը փաստ է, իսկ նրա հետևանքների հնարավորինս արագ դադարեցումը, և ավելի շատ վնասներից խուսափելը պետության պարտականությունն է»,- իր հրապարակման սկզբում գրել էր Հակոբ Ճաղարյանը՝ հավելելով, որ դրա համար ինքը ժամանակին փորձել է քայլեր ձեռնարկել:


Նիկոլ Փաշինյանի նախկին խորհրդականը գրել է, որ 2019 թ. հունիսին ինքը` այդ պահին ՀՀ վարչապետի խորհրդական Հակոբ Ճաղարյանը, հասկանալով ավիացիայի կիրառման կարևորությունն ու օգտակարությունն արտակարգ իրավիճակներում, փնտրել և գտել է ՀՀ-ի համար լավագույն ուղղաթիռների տարբերակը, և նրանց ձեռքբերման հնարավորությունն արտադրողից՝ ընդամենը $300.000 ամեն մեկի համար:


«Խորհրդակցելով ամբողջ պատերազմը թռած ուղղաթիռների հրամանատարների, Խանփերյանցի անվան ռազմաօդային համալսարանի օդաչուների, ուղղաթիռը սպասարկող ինժեներական անձնակազմի հետ, հավաստագրել ենք, որ ուղղաթիռներն իրենց տեխնիկական տվյալներով, ամբողջությամբ համապատասխանում են ՀՀ աշխարհագրական պայմաններում ՀՐԴԵՀԱՇԻՋՄԱՆ, ՍԱՆԻՏԱՐԱԿԱՆ, վթարափրկարարական, գյուղատնտեսական և ցանկացած այլ աշխատանքների ներկայացվող պահանջներին:


Դրանից հետո ես հանդիպել և խորհրդակցել եմ այն ժամանակ դեռևս ԱԻՆ նախարար Ֆելիքս Ցոլակյանի հետ, ով նույնպես, հասկանալով առաջարկիս կարևորությունը, անվերապահորեն ընդունել է նման ուղղաթիռների անհրաժեշտությունը վերը նշված ոլորտներում, որից հետո ծրագիրը իմ և պարոն Ցոլակյանի կողմից ներկայացվել է ՀՀ վարչապետ Նիկոլ Փաշինյանին»,- նշել է նա:


Հակոբ Ճաղարյանի խոսքով՝ արդյունքում ինքը որևէ պատասխան չի ստացել:


«Ֆելիքս Ցոլակյանին ավիացիայի հզոր մասնագետ Փաշինյանի կողմից ՀՊԱՆՑԻԿ ասվել է, որ ուղղաթիռները հին են և ուկրաինական, և նպատակահարմար չէ նրանց ձեռքբերումը:


Ամենայն հավանականությամբ նրա խորհրդատուները երիտօլիգարխ Քովիդի պարետ, համատեղության կարգով կանանց իրավունքների պաշտպան, ինչպես նաև Երևանի նախկին գլխավոր շուն ստերջացնողը և լոուքոստերով Միլան սուրճ խմելու թռիչքների ջատագով օրիորդն են եղել (Տիգրան Ավինյան, Տաթևիկ Ռևազյան-168.am)»,- նկատել էր ավիացիայի հարցերով Փաշինյանի նախկին խորհրդականը:


Նրա խոսքով՝ Ֆելիքս Ցոլակյանն այդ պատասխանը ստացել է այն դեպքում, երբ «ուղղաթիռները ՄԻ-2 տիպի լրիվ նոր (մասնագետների համար), glass cockpit տարբերակով, կոմպոզիտ վինտերով, հզորացված շարժիչներով, Ուկրաինայի կողմից (օդանավեր արտադրող երկրի) սերտիֆիկացված էին որպես ՆՈՐ տիպ` Mi-2AM-1 (սա՝ նույնպես մասնագետների համար)»: Հավելել էր, որ Հավելվածում կգտնենք տվյալները:


«Այս գրառումով չեմ անդրադառնա պայթյունների և նրանց հետևանքների, կազմակերպիչների, ԱԱԾ անգործության, քաղաքական ասպեկտին:


Այս գրառումը միայն փրկարարական աշխատանքների մասնագիտական կազմակերպումը նպատակաուղղված ՏԱՊԱԼԵԼՈւ մասին է:


Քանի՞ կյանք կարող էր փրկվել, և քանի՞ անգամ արագ կդադարեցվեր դեռևս շարունակվող հրղեհը, եթե ՀՀ ղեկավարի պաշտոնը զբաղեցնող անձը դեռևս 3 տարի առաջ ընդամենը 1 մլն ԱՄՆ դոլար տրամադրեր փրկարարական աշխատանքների կազմակերպման անհրաժեշտության հրամայականին»,- գրել էր Հակոբ Ճաղարյանը:


Նա նաև ընդգծել էր, որ յուրաքանչյուր ուղղաթիռի գինը փոխվարչապետի վերելակի վերանորոգման, պատերազմի օրերին կառուցվող ավտոպարկի դարպասի ու անցակետի արժեքին է համապատասխանում, և պետական ապարատին տրվող ամենամսյա պարգևավճարների քառորդից քիչ է:


«Ես ՄԵՂԱԴՐՈւՄ ԵՄ ՀՀ վարչապետի պաշտոնը զբաղեցնող Նիկոլ Փաշինյանին ծանր հետևանքներ ունեցող ՀԱՆՑԱՎՈՐ ԱՆԳՈՐԾՈւԹՅԱՆ համար:


Թող դա չլինեին իմ առաջարկած ուղղաթիռներն իրենց` գործող սանիտարական ուղղաթիռին իրենց հնարավորություններով 5 անգամ և 1 ժամվա թռիչքի արժեքով 3 անգամ գերազանցող, ավելի ձեռնտու ուղղաթիռներ: Թող լիներ ավելի թանկ, ավելի կատարյալ, ավելի ժամանակակից տեխնիկա: Բայց լիներ մի բան, որի մասին քեզ զեկուցում են քո ավիացիայի հարցերով խորհրդականն ու քո կառավարության Արտակարգ իրավիճակների նախարարության ղեկավարը միասին, համաձայնեցված: Բայց երբ իռլանդական ավիաընկերությանը 5 մլն եվրո անվարձահատույց, իր երկրի շուկա մուտք գործելու համար տրամադրող երկիրն իր ազգային անվտանգության վրա չի ծախսում գոնե 1 մլն ԱՄՆ դոլար, ես ՊՆԴՈւՄ ԵՄ, որ կառավարիչն ու իր խումբը ՀԱՆՑԱԳՈՐԾ ԵՆ»,- նշել էր Նիկոլ Փաշինյանի նախկին խորհրդականը:


Հակոբ Ճաղարյանը գրել էր նաև, որ «հաջորդ գրառմանը փաստերով կներկայացնի ԱՇԽԱՐՀԻ ԼԱՎԱԳՈւՅՆ (առանց չափազանցման) հրդեհաշեջ մեքենաների, նրանց գնի, ձեռքբերման հնարավորությունների, արտակարգ իրավիճակների պարագայում անհապաղ գործող համակարգի, և նմանատիպ առաջարկները, որոնք նույնպես արվել են քայլիչ թափառաշրջիկին, և որոնց նույնպես ոչ մի արձագանք չի հետևել նրա կողմից»:


Մեկնաբանություններ


Համընկնող լուրեր