Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը          Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է       Եվ ահա նոր սպառնալիք.Հրավիրում ենք իրավապահների ուշադրությունը.«Զանգի, ասա` ռnւմբ կա «Դալմա մոլ»-ում»    

31 օգոս 2022 13:25

Հայերը Թուրքիայի տարածքում օտարված հայկական եկեղեցիները նույնիսկ եթե գնեն, միևնույն է, չեն կարող դրանք ծառայեցնել բուն նպատակին

Հայերը Թուրքիայի տարածքում օտարված հայկական եկեղեցիները նույնիսկ եթե գնեն, միևնույն է, չեն կարող դրանք ծառայեցնել բուն նպատակին, որովհետև դրանք եկեղեցու անվան տակ չեն գրանցված, այլ ինչ–որ կառույցի, և եթե փորձեն նորից դրանք եկեղեցու վերածել, թուրքական իշխանությունը թույլտվություն չի տա։ Sputnik Արմենիայի հետ զրույցում նման կարծիք հայտնեց թուրքագետ Տիրան Լոքմագյոզյանը։
Նշենք, որ Մենեմենի քաղաքապետի պաշտոնակատար Այդըն Փեհլիվանն ասել էր` Իզմիր նահանգի Մենեմեն քաղաքում գտնվող կիսաքանդ հայկական Սուրբ Սարգիս եկեղեցին վերանորոգվելու և օգտագործվելու է որպես «Մշակույթի ու գիտության կենտրոն»: Այն մինչև 1922 թվականն օգտագործել են հայերը:
«Ծիծաղելի է թուրքերի այն տեսակետը, թե հայերն անուշադրության են մատնել եկեղեցիները, հետևաբար իրենք օգտագործել են դրանք ըստ իրենց հայեցողության։ Արդեն հարյուր տարի է` անում են հնարավոր ամեն ինչ այդ եկեղեցիների հետ` պատճառաբանելով, թե օրինական տերերն իբր անուշադրության են մատնել հոգևոր տաճարները։ Հայերն Իզմիրում և այլ վայրերում ենթարկվել են ցեղասպանության կամ բռնի արտագաղթի, հետևաբար չէին կարող տեր կանգնել իրենց եկեղեցիներին»,– ասաց թուրքագետը։
1915 թվականից հետո Արևմտյան Հայաստանում և այլ վայրերում կային մոտ 2500 վանքեր ու եկեղեցիներ, որոնցից շատ քչերն են մնացել կանգուն։ Բազմաթիվ հայկական եկեղեցիներ ժամանակի ընթացքում թուրքերի ձեռքով քանդվել են, հավասարեցվել հողին, մնացածներն էլ օգտագործվել են մի շարք այլ նպատակներով։
Լոքմագյոզյանի տեղեկացմամբ` 1915 թվականից հետո Թուրքիայում Ստամբուլից դուրս գտնվող շատ եկեղեցիներ հայերին այլևս չեն պատկանում և դուրս են պատրիարքարանի իրավասությունից, այնտեղ հասկանալի պատճառներով չկա նաև հայկական էթնոս։
Թուրքագետը վկայակոչեց Ախթամարի եկեղեցին, որը վերջերս նորոգվեց, սակայն վերածվեց թանգարանի, հայերն այնտեղ չեն կարող խունկ ծխացնել, աղոթել կամ մոմ վառել։ Կան նաև եկեղեցիներ, որոնք պատկանում են մասնավոր անձանց, համարվում են նրանց սեփականությունը, վերածվել են պահեստի կամ օգտագործվում են կենցաղային այլ նպատակներով։
Լոքմագյոզյանի բնութագրմամբ` վերջին տարիներին կարծես մոդայիկ են դարձել ինտերնետով նման եկեղեցիների վաճառքի ծանուցումները։
Նշենք, որ Մենեմենի Սուրբ Սարգիս հայկական եկեղեցին թուրքերի կողմից որոշ ժամանակով օգտագործվել է որպես զինվորական պահեստ, ապա՝ ախոռ։


Մեկնաբանություններ


Համընկնող լուրեր