Արեւմուտքն իսկապես քաղում է իր պտուղները. Էրդողան
Արեւմուտքը, ընկնելով էներգետիկ ճգնաժամի մեջ, քաղում է Ռուսաստանի Դաշնության եւ նախագահ Վլադիմիր Պուտինի դեմ պատժամիջոցների պտուղները։ Այս մասին մամուլի ասուլիսի ժամանակ հայտարարել է Թուրքիայի նախագահ Ռեջեփ Թայիփ Էրդողանը, փոխանցում է «ՌԻԱ Նովոստի»-ն։«Գազի հետ կապված դժվարություններ չունենք։ Արեւմուտքն իրականում քաղում է իր պտուղները: Դրան հանգեցրեցին Արեւմուտքի վերաբերմունքը, հարգարժան Պուտինի նկատմամբ դիրքորոշումը, պատժամիջոցները։ Պուտինն օգտագործում է իր ունեցած բոլոր զենքերը։ Ցավոք, այսպիսի իրավիճակ է ստեղծվել, եւ կարծում եմ, որ Արեւմուտքում շատ ծանր ձմեռ է լինելու։ Մեզ մոտ այդպիսի խնդիր չկա»,- ասել է Էրդողանը։
