Նոր դիվանագիտական սկանդալ է հասունանում արտգործնախարարությունում . «Ժողովուրդ»          Տեսանյութ.Խավարման կարգ` ի հիշատակ Քրիստոսի մատնության և չարչարանքների       Մարտի 29-ին կդադարեցվի հետևյալ հասցեների ջրամատակարարումը    

17 սեպ 2022 16:00

Ալիևի ելույթները, որտեղ տարածքային հավակնություններ են ներկայացվում ՀՀ-ի նկատմամբ. ուրեմն ձեռք բերված հրադադարը ժամանակավոր է

ԱԺ նախկին պատգամավոր Տաթևիկ Հայրապետյանը ֆեյսբուքյան իր էջում գրել է. «Այստեղ հավաքել եմ 2013թ. հոկտեմբերից սկսած Իլհամ Ալիևի բոլոր ելույթները, որտեղ տարածքային հավակնություններ են ներկայացվում ՀՀ-ի նկատմամբ: Օրինակ՝ դեռ 2013թ. Բաքվի բռնապետը իր ելույթներից մեկում նշել է. «Մենք տեղահանվել ենք ոչ միայն Լեռնային Ղարաբաղից, այլ նաև Երևանից, Զանգեզուրից և Գյոչյայից: Սա մեծ անարդարություն է: Մենք վերադառնալու ենք այդ տարածքները: Երիտասարդ սերունդը պետք է մեծանա այդ մտքերով և երազանքներով...»: Այս պետության քաղաքականության հիմքում ընկած է ագրեսիան և հայի հանդեպ ատելության քարոզը:

Առանց որևէ մեկնաբանության չոր փաստեր են, հատվածներ Ալիևի ելույթներից, որոնք գալիս են ապացուցելու, որ այս հարձակման գաղափարական հենքը նախապատրաստվել է վերջին տաս տարվա ընթացքում, այսինքն՝ ձեռք բերված հրադադարը ժամանակավոր է:
Տարածելը հատկապես արտաքին լսարանի շրջանում կարևոր է, հուսամ՝ նաև մեր դիվանագետները կօգտվեն այս նյութից, որպեսզի ցույց տան արտաքին աշխարհին Ադրբեջանի ղեկավարության զավթողական քաղաքականության էությունը և բխող վտանգները: Իմ հնարավորության սահմաններում փորձել ես սա ներկայացնել ՀՀ–ում գործող որոշ դեսպանների:
Կփորձեմ հետագայում որոշ հատվածներ թարգմանել նաև հայերեն, որպեսզի մեր հանրությունը գիտակցի, թե ինչ վտանգի հետ գործ ունենք, որ կարողանանք արագորեն գտնել դրա չեզոքացման ուղին, այլ չդանթենք կեղծ «խաղաղասիրության» ու ժամանակավոր հրադադարների հույսով»:


Մեկնաբանություններ


Համընկնող լուրեր