Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

21 սեպ 2022 14:02

Ում տարկետում կտան և արդյոք սահմանը կփակվի. Պեսկովը պատասխանել է զորահավաքի մասին հարցերին

Քաղաքացիների կատեգորիաները, որոնց տարկետման իրավունք է տրվում, որոշվում են ՌԴ կառավարության կողմից։ Դա հնարավորինս կարճ ժամկետներում կարվի։ Տեղեկությունը հայտնել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով մասնակի զորահավաքի մասին Ռուսաստանի նախագահի որոշումը։
Սեպտեմբերի 21-ին ՌԴ նախագահ Վլադիմիր Պուտինը հայտարարել էր Ռուսաստանում մասնակի զորահավաք անցկացնելու մասին։
Պեսկովը հրաժարվել է պատասխանել այն հարցին, թե սահմանը փա՞կ կլինի նրանց համար, ովքեր ենթակա են մասնակի զորահավաքի:
«Չեմ կարող հիմա պատասխանել այդ հարցին։ Այդ մասին գործող օրենքում դրույթներ կան։ Դրա համար եկեք մի քիչ համբերությամբ զինվենք, այդ հարցի վերաբերյալ պարզաբանումներ կլինեն», - ասել է նա։
ՌԴ նախագահի մամուլի քարտուղարը նաև նշել է, որ մոբիլիզացիայի ժամկետների մասին հրամանագրում տեղեկություն չկա:
Պեսկովը նաեւ մեկնաբանել է այն դիտարկումը, թե մեկ շաբաթ առաջ ինքը հայտարարել է, որ ներկա պահին ո՛չ մասնակի, ո՛չ ամբողջական զորահավաքի մասին խոսք չկա:
«Ինձ հարցնում էին ամբողջական զորահավաքի մասին, ես ասել էի, որ այս պահին դրա մասին խոսք չկա։ Այն մասին, թե ինչպես են փոխվել պայմանները հատուկ ռազմական գործողության ընթացքում, իր ելույթում ասել է Պուտինը: Հենց նախագահն է ասել, որ փաստացի մենք հիմա բախվում ենք ՆԱՏՕ-ի ու մեզ ոչ բարեկամ երկրների ռազմական ներուժի հետ»,-ընդգծել է ՌԴ նախագահի մամուլի քարտուղարը։


Մեկնաբանություններ


Համընկնող լուրեր