Մենք Ուկրաինայում ոչ ոքի չենք սպանել և չենք էլ պատրաստվում սպանել, նախ՝ մեզ ոչ ոք չի խնդրում մասնակցել այս գործողությանը
Բելառուսը մտադիր չէ ներքաշվել Ուկրաինայի տարածքում ռազմական գործողությունների մեջ, մանավանդ որ Ռուսաստանը նույնպես դա չի խնդրում նրանից, հայտարարել է Բելառուսի նախագահ Ալեքսանդր Լուկաշենկոն։«Մենք այնտեղ (Ուկրաինայում – խմբ.) ոչ ոքի չենք սպանել և չենք էլ պատրաստվում սպանել, նախ՝ մեզ ոչ ոք չի խնդրում մասնակցել այս գործողությանը, այս դեպքում՝ Ռուսաստանը, և մենք մտադիր չենք խառնվել դրան: Մենք միշտ խոսել ենք և խոսում ենք դրա մասին, բայց, ըստ երևույթին, նրանք չեն ուզում մեզ լսել»,- ասել է Լուկաշենկոն ամերիկյան NBC ընկերությանը տված հարցազրույցում:
Լրագրողի այն հարցին, թե արդյոք Բելառուսը ձգտում է մասնակցել ռուսական ռազմական գործողությանը, նախագահն ընդգծել է, որ ինքը բազմիցս ասել է, որ իր հանրապետությունը մասնակցում է հատուկ գործողության՝ ամեն կերպ աջակցելով Ռուսաստանին։
«Մեր աջակցությունը նրանում է, որ Լեհաստանի և Լիտվայի հետ մեր սահմանները չխախտվեն, և ռուսական զորքերը Բելառուսի միջոցով թիկունքից հարված չստանան»,- պարզաբանել է Բելառուսի ղեկավարը:
