Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

21 նոյ 2022 10:00

Եկեք ուկրաինական դրոշները հանենք մեր կենսագրություններից ու մեր բակերից.Ուկրաինական ճահիճն անվերջանալի խնդիր կլինի ԱՄՆ-ի համար

Ուկրաինական ճահիճը անվերջանալի խնդիր կլինի Ամերիկայի համար: Այս մասին Newsweek փոդքաստում ասել է Unsilenced Majorit կազմակերպության նախագահ Մայք Դևիսը:


«Ուկրաինական այս ամբողջ ճահիճի խնդիրն այն է, որ այն անվերջանալի խնդիր է դառնալու Ամերիկայի համար։ Պետք է մի քայլ հետ գնալ և հարցնել, թե քանի՞ ամերիկացի է պատրաստ զոհաբերել իր սիրելիներից մեկին կամ նույնիսկ իր աշխատավարձերից մեկը Ուկրաինայի համար: Ես սա ասում եմ որպես մարդ, ով Վլադիմիր Պուտինին հրեշ է համարում։ Բայց ես կասեի նաև, որ Օբաման Բայդենին դրեց Ուկրաինայի ղեկավարի պաշտոնում, երբ Օբաման նախագահ էր, իսկ Բայդենը՝ փոխնախագահ: Բայդենի կոռումպացված ընտանիքն Ուկրաինայում միլիոնավոր դոլարներ է աշխատել: Դեռ 2014 թվականին Ռուսաստանը վերցրեց Ղրիմը, իսկ հիմա Ռուսաստանը վերադարձել է, և ես կարծում եմ, որ Պուտինը զգում է թուլությունը, և դա է խնդիրը։


Դուք ունեք Վլադիմիր Զելենսկի, որի շահյերը տարբերվում են ԱՄՆ շահերից: Հիշեք, որ Զելենսկին կորցնելու բան ունի Ուկրաինայում. Նա կարող է կորցնել իր կյանքը, գոյության միջոցները և Ուկրաինան, եթե Ռուսաստանը հաղթի… Բայց հիշեք, որ Զելենսկիի շահերը չեն համընկնում Ամերիկայի շահերի հետ, դրանք նույնը չեն: Ամերիկան ​​Ուկրաինայում կորցնելու ոչինչ չունի՝ ի տարբերություն Զելենսկու: Մենք պետք է դա նկատի ունենանք, ուստի նախքան մեզ կներքաշեն Երրորդ համաշխարհային պատերազմի մեջ՝ փրկելու Ուկրաինան, փրկելու Զելենսկուն, եկեք համոզվենք, որ դա բխում է Ամերիկայի շահերից:


Մենք երեկ տեսանք, թե ինչպես է Ուկրաինայի արտգործնախարարը քարոզում, թե դա ռուսական հրթիռ է եղել (նկատի ունի Լեհաստանի միջադեպը- խմբ.), չնայած գիտենք, որ դա ճիշտ չէ։ Ինչ կլիներ, եթե մենք վկայակոչեինք 5-րդ հոդվածը՝ կապված Լեհաստանի վրա հարձակման հետ, և հանկարծ սկսեինք Երրորդ համաշխարհային պատերազմը: Կարծում եմ, որ մենք պետք է մի քայլ հետ գնանք և պարզապես ավելի ռացիոնալ լինենք այդ հարցում, դադարենք էմոցիոնալ լինել: Եկեք ուկրաինական դրոշները հանենք մեր կենսագրություններից ու մեր բակերից, և սկսենք մտածել, թե ինչն է ձեռնտու Ամերիկային»:


Մեկնաբանություններ


Համընկնող լուրեր