Երիտասարդների մոտ հայտնաբերվել է 35 փաթեթ մարիխուանա, որը պետք է տեղադրվեր Երևանի տարբեր թաղամասերում

Ոստիկանությունից հայտնում են, որ կրտսերի մոտ մարիխուանայի նմանվող զանգվածով գլանակ է եղել, 27 տարեկանի խուզարկությամբ էլ հայտնաբերվել է մարիխուանայի նմանվող զանգվածով 16 փաթեթ՝ ընդհանուր 40 գրամից ավելի քաշով։
Իրավապահների տեղեկություններով՝ երիտասարդը փաթեթները պետք է տեղադրեր մայրաքաղաքի տարբեր թաղամասերում։ Խուզարկվել է նաև նրա մեքենան։ Հայտնաբերվել է մարիխուանայի նմանվող զանգվածով 19 փաթեթ։
Երիտասարդները ներկայացվել են նախաքննական մարմին, որտեղ էլ նախաձեռնվել է քրեական վարույթ։