Եթե սկսենք լարել իրավիճակը...ունենք նախկին փորձ, երբ էմոցիաները խանգարեցին ու պարտվեցինք թուրքերին 2 խաղում...Խաղը չքաղաքականացնել
Զոհրապ Եգանյանը ֆեյսբուքյան իր էջում գրում է՝Հայաստան-Թուրքիա խաղից առաջ մեր տղեքի համար լավագույն օգնությունը կլինի խաղը չքաղաքականացնելը: Եթե մենք սկսենք լարել իրավիճակը ու ֆուտբոլային խաղը հասարակական մակարդակով հասցնենք թշնամանքի` տղեքը լարված կխաղան ու դժվար թե լավ բան ստացվի դրանից:
Մենք ունենք նախկին փորձ, երբ էմոցիաները խանգարեցին ու պարտվեցինք թուրքերին երկու խաղում, նույնիսկ գոլ չկարողացանք խփել: Մինչև խաղի օրը լավ կանենք հնարավորինս սովորական մթնոլորտ ապահովենք հավաքականի տղաների համար: Միքանի օր առաջ ընկերս լավ բան նկատեց` ասում է պետք է հիմնական կազմում առաջին րոպեներից խաղան դրսում ծնված ու ապրած հայերը (խոսքը հատկապես Զելարայանի ու Բալեկյանի մասին է), քանզի այս տղաները հայ-թուրքական թշնամանք այդքան չեն զգացել ու հուզական ֆոն ամենից քիչ կունենան: Այս ամենը գրում է մարդ, ով դժվար թե գնա մարզադաշտ, այդ նույն էմոցիոնիալ պահը իմ մեջ չհաղթահարելու պատճառով: Բայց տղեքը պետք է ինձանից ուժեղ գտնվեն:
Թուրքիայի այս հավաքականին հաղթել կարելի է, մեր մարզիչի մասին տպավորություններս ևս դրական է, խելքը գլխին մարդ է երևում, բայց առաջին խաղում նրան հաջողությունը չէր խանգարի: Երկրպագուները մեկ վայրկյան անգամ չպետք է դադարեն երգել ու տղեքին ոգևորել, իսկ դաշտում հավաքականի տղեքը պետք է ուղղակի հավաքված ու հանգիստ ֆուտբոլ խաղան:
Հ.Գ թուրքերը շատ էմոցիոնալ են, հանգիստ կարելի է նրանց կարմիր քարտի տանել: Հաղթանակ տղեքին ու Հայաստան, Հայաստան:
