Սա մեր՝ որպես ազգ և պետություն, անսահման խայտառակության ու ամոթի դարաշրջանն է, անարժանապատվության մղձավանջը          Մարտի 20-22-ը սպասվում է G2 կատեգորիայի գեոմագնիսական փոթորիկ.արձանագրվել է արեգակի բռնկում       Մարտի 19-ին և 20-ին կդադարեցվի բազմաթիվ հասցեների էլեկտրամատակարարումը    

22 մար 2023 11:50

Թուրքիայի սերտացումը Արևմուտքի հետ լավ բան չի հուշում.Թուրքիան ավելի համառ է դառնալու տարածաշրջանում,մեզ մոտ էլ են սկսվելու գործընթացներ

Քաղաքագետ Արա Պողոսյանը գրում է. 


«Եվրոհանձնաժողովի նախագահ ՈՒրսուլա ֆոն դեր Լայենը հայտարարել է, որ Եվրոպական հանձնաժողովը երկրաշարժից հետո վերականգնվելու համար Թուրքիային կհատկացնի 1 միլիարդ եվրո։


Սա նշանակում է, որ առաջիկայում Թուրքիան է'լ ավելի մեծ կախվածություն է ունենալու Արևմուտքից, և վստահաբար Արեւմուտքը և ընդհանրապես` որևէ կողմ, ֆինասական, տնտեսական օժանդակություն հենց այնպես չի տրամադրի` պարզապես մարդասիրական նկատառումներով։


Պատահական չէ, որ Թուրքիայի հռետորաբանությունը սկսել է փոխվել Ֆինլանդիայի և Շվեդիայի ՆԱՏՕ-ին անդամակցության հարցում։ Իսկ երեկ Էրդողանը իր խորը շնորհակալությունն էր հայտնում ԵՄ-ին ցուցաբերվող օժանդակության համար, հայտարարելով, որ երբեք չեն մոռանա իրենց օգնության ձեռք մեկնողներին։


Թուրքիայի սերտացումը Արևմուտքի հետ իր հետ բերելու է փոփոխություններ տարածաշրջանում, այդ թվում մեզ համար մարտահրավերներ։ Թուրքիան ավելի համառ է դառնալու տարածաշրջանում Ռուսաստանի ազդեցության կրճատման և դա իր սեփական ազդեցությամբ լրացնելու հարցում։


Այդ գործում ունենալու է Արևմուտքի անվերապահ աջակցությունը, ինչը նշանակում է, որ նաև Հայաստանի ներսում են սկսվելու գործընթացներ, որոնք պետք է արագացնեն Ռուսաստանի արտամղումը տարածաշրջանից։ Միաժամանակ Հայաստանի վրա մեծանալու է ճնշումը Արևմուտքի կողմից` Թուրքիայի և Ադրբեջանի հետ հարաբերությունները կարգավորելու հարցում, ինչը միանշանակ վերջնականապես թաղելու է Արցախի ինքնորոշման հարցը, քանի որ հարցի արագ լուծումը ենթադրում է Արցախի ճանաչում Ադրբեջանի կազմում և Արցախի ժողովրդի ինչ որ իրավունքների ամրագրում, որը նշանակելու է Արցախի վերջնական հայաթափում։


Այստեղ Արևմուտքի ծրագրերի իրականացմանը օժանդակում է նաև Ռուսաստանի որդեգրած քաղաքականությունը...»։ 


Մեկնաբանություններ


Համընկնող լուրեր