Տեսանյութ. Ոստիկանական գործողություններ ԱԺ-ում.Ներքին խառնաշփոթն Ալեն Սիմոնյանը կազմակերպեց
«Մենք արդեն պայմանավորվել էինք ոստիկանության հետ, հրավիրեցինք Մհեր Սահակյանին, որպեսզի գնա ոստիկանության Արաբկիրի բաժին: Այդ պահին ներս մտավ Ալեն Սիմոնյանը ու, կարելի է ասել, իր գործողություններով, ըստ էության, ներքին խառնաշփոթն ինքը կազմակերպեց,- շարունակելով ԱԺ-ում տեղի ունեցած միջադեպի թեման՝ լրագրողների հետ զրույցում ասաց «Հայաստան խմբակցության ղեկավար Սեյրան Օհանյանը: «Օգտվելով Սիմոնյանի ներկայությունից՝ ոստիկանության ներկայացուցիչները սկսեցին Սահակյանին բրդբրդել ու մեծ խառնաշփոթ կազմակերպեցին իմ աշխատասենյակում ու միջանցքում»,- հավելեց պատգամավորը:***
ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը տեսանյութ է տարածել ֆեյսբուքյան իր էջում, որտեղ նա մանրամասներ է ներկայացնում ԱԺ-ում տեղի ունեցած միջադեպի վերաբերյալ: Տեսանյութում երևում են նաև կադրեր՝ ոստիկանական գործողություններից:
