Ադրբեջանի պատվիրակությունն արդեն Երևանում է. չեմ ուզում հարևան երկրի հետ կապված մեծ աժիոտաժ ստեղծել
Ադրբեջանի պատվիրակությունն արդեն ժամանել է, արդեն Երևանում է: Իրենց պատվիրակությունն ընդհանուր 12 հոգի է՝ 4 մարզիկ։ Այս մասին ՄՀՀ-ում մեկնարկած ասուլիսի ժամանակ ասաց Ծանրամարտի Եվրոպայի առաջնության կազմկոմիտեի նախագահ Արայիկ Հարությունյանը: Նշենք, որ Ծանրամարտի Եվրոպայի առաջնությունը կկայանա Երևանի Կարեն Դեմիրճյանի անվան մարզահամերգային համալիրում ապրիլի 15-23-ը:
Հարությունյանը նշեց, որ բացման արարողությանը մարզիկներ չեն մասնակցելու. «Սպորտաձևը սպեցիֆիկ է, և իրենք պետք է իրենց մարզավիճակը պահելու համար լրացուցիչ սթրեսային իրավիճակներում չգտնվեն: Մենք դրոշների պարադն այլ կերպ ենք կազմակերպել, ես կարծում եմ այդ բաղադրիչն ամենահետարքրիրն է լինելու բացման արարողության ժամանակ»:
Կրկին անդրադառնալով Ադրբեջանի պատվիարկությանը՝ Արայիկ Հարությունյանն ասաց. «Ես չեմ ցանկանում և չէի ուզի, որ մեր հարևան երկրի մասնակցության հետ կապված մեծ աժիոտաժ ստեղծել, որովհետև մարզական աշխարհում նույնիսկ հակամարտող երկրների թիմերին ընդունեը սովորական միջոցառում է, սովորական մրցաշարի շրջանակներում: Ուզում եմ նորից ասել՝ ինչպես Հայաստանը, Խորվաթիան, Կոսովոն և մյուս երկրները, Ադրբեջանը նույնպես Եվրոպական ֆեդերացիայի մի մաս է և իրենք կարող են հայտ ներկայացնել և մասնակցել»:
