Ինչու պաշտոնից ազատվեց ԱԱԾ սահմանապահ զորքերի հրամանատարը, հնարավո՞ր է կապված լինել Տեղ գյուղում տեղի ունեցած միջադեպի հետ
ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանի խոսքով՝ ՀՀ սահմանապահ զորքերի հրամանատարի պաշտոնից ազատումը հնարավոր է կապված լինել Տեղ գյուղում տեղի ունեցած միջադեպի հետ։Այս մասին նա այսօր ասաց խորհրդարանական ճեպազրույցների ժամանակ:
«Սահմանապահ զորքերի հրամանատարը ծանրագույն վիճակում և՛ բարոյական առումով, և՛ պրոֆեսիոնալ առումով բարձրակարգ սպա է։ Թե ինչքանով է իր ազատումը կապված Տեղի միջադեպի հետ, չեմ կարող ասել: Հնարավոր է՝ կապ ունենա, հնարավոր է՝ ոչ, բայց դա քննարկման ենթակա չէ»,- ասաց նա:
Ըստ Քոչարյանի՝ սահմանապահ զորքերի հրամանատարի պաշտոնից ազատման վերաբերյալ առաջարկը ՀՀ վարչապետին եղել է ԱԱԾ տնօրենի կողմից, որը նույնպես քննարկման ենթակա չէ։
Քոչարյանը չի բացառվում նաև, որ հրամանատարի պաշտոնից ազատումը լինի պաշտոնների տեղաշարժ:
Ավելի վաղ հայտնել էինք, որ ՀՀ նախագահ Վահագն Խաչատուրյանի հրամանագրով՝ Արման Մարալչյանն ազատվել է ԱԱԾ սահմանապահ զորքերի հրամանատարի պաշտոնից։
