Պրիգոժինը տեսանյութում ցուցադրել է հատուկ ռազմական գործողության մեկ օրում զոհված ՄՌԿ-ի մի քանի տասնյակ մարտիկների մարմիններ, ինչպես նաև պահանջել է ՌԴ ՊՆ-ից զինամթերք տրամադրել
«Վագներ» մասնավոր ռազմական ընկերության հիմնադիր, «Պուտինի խոհարար» մականվամբ հայտնի Եվգենի Պրիգոժինը տեսանյութում ցուցադրել է հատուկ ռազմական գործողության մեկ օրում զոհված ՄՌԿ-ի մի քանի տասնյակ մարտիկների մարմիններ, ինչպես նաև պահանջել է ՌԴ ՊՆ-ից զինամթերք տրամադրել։ Տեսանյութը Telegram-ում հրապարակել է նրա մամուլի ծառայությունը։Պրիգոժինի խոսքով՝ այս պահին ՄՌԿ-ն ստանում է անհրաժեշտ զինամթերքի միայն 30 տոկոսը։ 100% առաքումներով, նա պնդում է, որ ընկերությունը հինգ անգամ ավելի քիչ մարդ կկորցնի:
«Սրանք «Վագների» տղաներն են, որոնք այսօր մահացել են։ Նրանց արյունը դեռ թարմ է։ Հիմա ինձ լսեք, նրանք ինչ-որ մարդկանց հայրերն են և ինչ-որ մեկի որդիները։ Իսկ էն տականքները, որոնք զինամթերք չեն տալիս դժոխքում են հայտնվելու․․․ Մենք 70% զինամթերքի պակաս ունենք։ Դուք նստած եք թանկարժեք ակումբներնում, ձեր երեխաներն էլ տեսահոլովակներ են նկարում Youtube-ում։ Դուք կարծում եք, որ այս կյանքի տերն եք, և որ դուք իրավունք ունեք տնօրինելու կռվողների կյանքը։ Դուք կարծում եք, որ եթե ունեք պահեստներ, ուրեմն դրա իրավունքն ունեք։ Տարրական հաշվարկներ կան. եթե տալիս եք զինամթերքի չափը, ապա զոհերի թիվը հինգ անգամ պակաս է։ Այստեղ կամավոր են եկել ու մեռնում են, որ դուք ձեր կարմրափայտի կաբինետներում ճարպակալվեք»,- իր զայրույթն է արտահայտել տեսանյութում Պրիգոժինը։
Տեսանյութում երևում են «Վագներ» ՄՌԿ-ի զոհված զինվորները։
